- પોલીસે ૨૨.૨૪ લાખનો દારૂ અને કન્ટેનર મળી કુલ ૩૨.૨૯ લાખથી વધુનો મુદ્દામાલ કબજે કર્યો
ભરૂચ અંક્લેશ્વર નેશનલ હાઇવે ઉપર ટોલ પ્લાઝા નજીક વિદેશી દારૂ ભરેલ કન્ટેનર સાથે બે ઇસમોને ઝડપી પાડી કુલ ૩૨ લાખનો મુદ્દામાલ કબજે કરવા સાથે બે ઈસમોને વોન્ટેડ જાહેર કર્યા છે. અંકલેશ્વર પોલીસને બાતમી મળી હતી કે મહારાષ્ટ્ર પુના ખાતેથી કન્ટેનર નંબર એમ.એચ.-૦૪-કે.યુ- ૩૮૭૨ માં વિદેશી દારૂનો મોટો જથ્થો સુરત વડોદરા તરફ જવાનો છે. જે બાતમીના આધારે અંકલેશ્વર શહેર પોલીસે ભરૂચ અંક્લેશ્વર નેશનલ હાઇવે ઉપર ટોલ પ્લાઝા નજીક વોચ ગોઠવી ઉભી હતી.
દરમિયાન બાતમી વાળું કન્ટેનર આવતા પોલીસે તેને અટકાવી તેમાં તપાસ કરતા તેમાંથી વિદેશી દારૂની ૯૧૨૦ નંગ બોટલ મળી આવી હતી. પોલીસે ૨૨.૨૪ લાખનો દારૂ અને કન્ટેનર મળી કુલ ૩૨.૨૯ લાખથી વધુનો મુદ્દામાલ કબજે કર્યો હતો અને હરિયાણા ખાતે રહેતા ચાલક રમેશકુમાર શ્રીચંદ અમરસિંગ જાટ અને ક્લીનર રાજકુમાર ઉર્ફે મનીષ અશોકકુમારને ઝડપી પાડ્યો હતો જ્યારે અન્ય બેને વોન્ટેડ જાહેર કરી વધુ તપાસ હાથધરી છે.