•ઉમલ્લા પોલીસે ગુનો નોંધી તપાસ હાથધરી
ભરૂચ જિલ્લામાં ૪૧૩ ગ્રામ પંચાયતની ચૂંટણી માટે રવિવારના રોજ મતદાન પ્રક્રિયા યોજાઇ હતી અને મંગળવારે સવારથી જ મત ગણતરી કરવામાં આવતા કેટલાય ઉમેદવારો જીતનો જશ્ન મનાવી રહ્યા છે. ત્યારે નેત્રંગના ધોલેખામ ગામે બુધવારે જીતેલા સરપંચે હારેલ સરપંચના ટેકેદારને ઘેરીને કુહાડી ના ઘા ઝિંકવાનો બનાવ સામે આવ્યો છે.
નેત્રંગ તાલુકાના ધોલેખામ ગામે બુધવારના રોજ સવારે ૭ કલાકે મંદિર ફળીયામાં રહેતા ૨૮ વર્ષીય મુન્ના ગોમાન વસાવા પોતના ખેતરે જવા બાઇક લઈ નીકળ્યો હતો તેની સાથે બાઇક ઉપર ગામના જ વસંતીબેન કમલેશ પણ જતા હતા દરમિયાન તેની બાઇક નવી વસાહત પાસેથી પસાર થતી હતી ત્યારે હાલ જીતેલા સરપંચ પ્રિયંકા પ્રકાશ વસાવા અને તેના મળતીયાઓએ અચાનક ધસી આવી બાઇકને રોકી તું સંગીતા અશ્વિન વસાવા જે સરપંચની ઉમેદવારી કરી હારી ગયા તેના પતિ અશ્વિનને ચુંટણીમાં કેમ મદદ કરી હતીની રીશે ૧૫ થી ૨૦ જેટલા માણસોએ ભેગા મળી લાક્ડી અને કુહાડી વડે હૂમલો કરતા આ હૂમલામાં મુન્ના વસાવાને હાથે પગે લાક્ડીના સપાટા તેમજ માથે કુહાડીનો ઘા વાગતા ઘાયલ અવસ્થામાં વધુ સારવાર અર્થે ભરૂચ સિવિલ હોસ્પીટલ ખસેડાયો હતો.
આ સમગ્ર મામલે ઉમલ્લા પોલીસ મથકે ફરિયાદ નોંધાતા પોલીસે ઘટનાની વધુ તપાસ હાથધરી છે.
