મુન્શી મનુબરવાળા મેમોરિયલ ચેરીટેબલ ટ્રસ્ટ ભરૂચ સંચાલિત હાજી એહમદ મુન્શી આઇ.ટી.આઇ.ભરૂચમાં સ્પોર્ટસ વિકનું આયોજન કરવામાં આવ્યું હતું. જેમાં ક્રિકેટ, વોલીબોલ તથા બહેનો માટે સંગીત ખુરસી તથા અન્યો રમતોનું અયોજન કરવામાં આવ્યું હતું.
અલગ અલગ રમતો માં પ્રથમ તથા બીજા ક્રમે આવનાર તાલીમાર્થીઓને આજ રોજ ઇનામ વિતરણ નો પ્રોગ્રામ સંસ્થાના ક્રિકેટ ગ્રાઉન્ડ માં રાખવામાં આવ્યો હતો.આ પ્રોગ્રામમાં ટ્રસ્ટના ટ્રસ્ટી યુનુસભાઈ પટેલ તથા કરોબારી સભ્યોમાં પ્રો.ઉસ્માન તથા સલીમભાઈ અમદાવાદી તથા નજીરભાઈ હિટર તેમજ તમામ આઇ.ટી.આઇ.સ્ટાફગણ હાજર રહ્યા હતા અને તેઓના હાથે ઇનામ વિતરણ કરી તાલીમાર્થીઓનો ઉત્સાહ વધારવામાં આવ્યો હતો. ટ્રસ્ટી દ્વારા સુંદર સ્પોર્ટસ વિકના આયોજન બદલ સ્ટાફગણ તથા તાલીમાર્થીઓને ખૂબ ખૂબ અભિનંદન આપવામાં આવ્યા હતા.
