ભરૂચ બી ડિવિઝન પોલીસ મથકની હદમાં આવેલ મનુબર ચોકડી નજીકના મુન શોપીંગ સેન્ટર નજીક જૂની અદાવતની રીશ રાખી એક ઇસમ ઉપર લાકડી વડે હૂમલો કરાતા ઘાયલ અવસ્થામાં તેને સારવાર અર્થે ભરૂચ સિવિલ હોસ્પીટલ ખસેડાયો હતો.
ઘટનાની મળતી જાણકારી અનુસાર તા.૧૨મીની રાતે ૮.૩૦ કલાકની આસપાસ મહંમદ જાવેદ ઉર્ફે નવાબ દિવાન મુન શોપીંગ સેન્ટર નજીક ખુરશી નાંખી બેઠા હતા. દરમિયાન ૩ વર્ષ ઉપરાંતના જૂના ઝઘડાની રીશ રાખી અચાનક સુફીયાન તેની પત્ની અને સાસુએ આવી જાવેદ ઉર્ફે નવાબ દિવાન સાથે બોલાચાલી ઝઘડો કરી તેના ઉપર કડી વાળી લાકડી વડે હૂમલો કર્યો હતો.
અચાનક થયેલા હૂમલામાં જાવેદ ઉર્ફે નવાબ દિવાનને માથામાં તેમજ પગે ગંભીર ઇજાઓ પહોંચતા તેને ૧૦૮ મારફતે સારવાર અર્થે ભરૂચ સિવિલ હોસ્પીટ્લ લવાયો હતો. આ મામલે બી. ડિવિઝન પોલીસ મથકે ફરીયાદ નોંધાતા પોલીસે વધુ તપાસ હાથધરી છે.