•નવા પ્લાન્ટમાં ગેસ ગળતરના કારણે મોત થયું હોવાનું અનુમાન

•આ અગાઉ ૨૦ નવેમ્બરના પણ ગેસ લાગવાથી બે કર્મીઓને હોસ્પિટલમાં ખસેડવામાં આવ્યા હતા.

ભરૂચના દહેજ વિલાયત જી.આઈ.ડી.સી.ની બિરલા ગ્રાસીમ કંપનીમાં ગેસ ગળતરથી 1 કામદારનું મોત નીપજ્યાની ઘટના પ્રકાશમાં આવી છે. આ અગાઉ પણ તા. ૨૦ નવેમ્બરના રોજ ગેસ લાગવાથી બે કર્મીઓને હોસ્પિટલમાં સારવાર અર્થે ખસેડવામાં આવ્યા હતા.

પ્રાપ્ત વિગતો અનુસાર વિલાયત જી.આઈ.ડી.સી.ની બિરલા ગ્રાસીમ કંપનીમાં આજરોજ પ્રક્રિયા દરમિયાન અચાનક કોઈ કારણ સર ગેસ ગળતર થતા તેના ગેસની અસર થી નજીક કામ કરી રહેલ મૂળ મધ્યપ્રદેશના નાગદાનો વિવેક શ્રીવાસ્તવ ઉ.વ.૪૩ હાલ રહે, માતૃછાયા એપાર્ટમેન્ટ, તવરા રોડ, ભરૂચ નું મોત નીપજ્યું હતું.અચાનક સાથી મિત્રના મોતના પગલે સહકર્મીઓમાં ગમગીની છવાઇ હતી.

આ ઘટનામાં મૃતકની લાસને મોતનું ચોક્કસ કારણ જાણવા પી.એમ. અર્થે ભરૂચ સિવિલ હોસ્પીટલ ખસેડાઇ હતી.બનાવ સંદર્ભે પોલીસે મૃતક પરિવારની ફરિયાદ આધારે ગુનો નોંધી વધુ તપાસ આરંભી હતી.ઉલ્લેખનીય છે કે આ કંપનીમાં વારંવાર આવી ઘટનાઓ બનતી રહે છે પરંતુ યેનેકેન પ્રકારે કંપની સત્તાધીશો એ વાતને દબાવી દેતા હોવાનું પણ ચર્ચાઇ રહ્યું છે.

ઊંઝાના ધારાસભ્ય આશા પટેલનું નિધન થયાં દુખદ સમાચાર સામે આવ્યા છે. તેઓ ઝાયડસ હોસ્પિટલમાં સારવાર લઈ રહ્યા હતા. ડેન્ગ્યુની બીમારી બાદ તેમની હાલત વધુ લથડી હતી. તેમજ મલ્ટી ઓર્ગન ડેમેજના કારણે આશા પટેલનું નિધન થયાની માહિતી સામે આવી છે.

ડેન્ગ્યુ થયા બાદ આશાબેનને બે દિવસ ઊંઝાની હોસ્પિટલમાં દાખલ કરવામાં આવ્યા હતા. ત્યાં તેઓ સારવાર હેઠળ હતા. જણાવી દઈએ કે તેઓ દિલ્હીથી 7 તારીખે આવ્યા હતા. ત્યાર બાદ તેમને ડેન્ગ્યુ થયો હતો. તો બે દિવસ પહેલા તબિયત વધુ લથડતા ઝાયડ્સ હોસ્પિટલમાં લાવવામાં આવ્યા હતા. ત્યારથી લીવર ડેમેજ થતા તેમને વેન્ટિલેટર પર રાખવામાં આવ્યા હતા.
મુખ્યમંત્રી ભૂપેન્દ્ર પટેલે ડો.આશાબેન પટેલના દુઃખદ અવસાન અંગે ઊંડા શોકની લાગણી વ્યકત કરીને શ્રદ્ધાંજલી પાઠવી છે. ભૂપેન્દ્ર પટેલે ડો.આશાબેન પટેલે જન પ્રતિનિધિ તરીકે જનસેવા સાથે લોક પ્રશ્નોના ઉકેલ માટે સતત કાર્યરત રહીને આપેલી સેવાઓની સરાહના કરી. તેમણે આશાબેનના આત્માની શાશ્વત શાંતિની પ્રભુ પ્રાર્થના પણ કરી.

ઊંઝાના ધારાસભ્ય આશા પટેલની સ્થિતિ નાજૂક હોવાના સમાચાર સવારે આવ્યા હતા. તો તેઓ આજે ત્રીજા દિવસે પણ વેન્ટિલેટર પર હતા. જણાવી દઈએ કે અમદાવાદની ઝાયડસ હોસ્પિટલમાં આશા પટેલની સારવાર ચાલી રહી હતી. ગઈકાલે CM, બ્રિજેશ મેરજા, સહિત અનેક નેતાઓએ હોસ્પિટલની મુલાકાત લીધી હતી. તો બીજી તરફ ઝાયડસ હોસ્પિટલે આશા પટેલ બાબતે ચર્ચાતી અટકળોને નકારી કાઢી છે. પરંતુ બીમારીને કારણે તેઓ આજે દુનિયા છોડી ગયા છે.

અહેવાલો અનુસાર ડેન્ગ્યુથી આશાબેનને મલ્ટી ઓર્ગન ફેલીયોર થયું હતું. જેમાં આશાબેનના હાર્ટ, ફેફસા કિડની લીવર તેમજ કિડનીને વધુ અસર થઇ હતી. ઝાયડસ હોસ્પિટલના ડિરેક્ટર ડૉ. વી એન શાહના જણાવ્યા અનુસાર હાલ તેમને કૃત્રિમ શ્વાસોશ્વાસ પર રાખવામાં આવ્યા હતા. તેમજ આશાબેનના શરીરના તમામ અંગો લાઇફ સપોર્ટ સિસ્ટમ પર ચાલી રહ્યા હોવાનું ડૉક્ટરોએ સ્વીકાર્યું હતું.આ ઉપરાંત આશા પટેલના મોટા ભાગના અંગો ફેલ થયા હતા. આવા સંજોગોમાં રિકવરીના ચાન્સ બહુ ઓછાં હોય છે. જ્યારે તેમને બચાવવાના તમામ પ્રયત્નો થઇ રહ્યા હતા.

અંકલેશ્વરના ગડખોલ ગામ ખાતે રાજપીપળા ચોકડી પર આવેલ શુભમ પાર્ક ખાતે રહેતા રોશન અરૂણ ઝા ની પત્ની પલ્લવી દેવીએ ગત રાત્રીના કોઇ અગમ્ય કારણોસર સાડી નો ગાળીયો બનાવી આત્મહત્યા કરી હતી. જો કે તેના પરિવાર ના સભ્યો આવી જતા તેને તાત્કાલીક સારવાર માટે અંકલેશ્વર ની સરદાર પટેલ હોસ્પિટલ ખાતે સારવાર અર્થે લઇ આવ્યા હતા જ્યાં ફરજ પરના તબીબે તેને મરણ જાહેર કરી હતી. આ બનાવ સંદર્ભે જી.આઈ.ડી.સી પોલીસ મથકે જાણ કરતા પોલીસ કાફલો પણ ઘટના સ્થળે દોડી આવ્યો હતો. અને મૃતદેહને પી.એમ અર્થે ખસેડાયો હતો.

આ ઘટનામાં મૃતક પલ્લવી દેવી ના પિયર પક્ષ ના સ્વજનો દ્વારા પલ્લવી દેવી ની હત્યા કરવામાં આવી હોવાના ગંભીર આક્ષેપ કર્યા હતા. જે વચ્ચે પોલીસ દ્વારા ઘટના ની ગંભીરતા અને લગ્નો ગાળો ટુંકો જોતા મૃતકનું પેનલ પી.એમ કરાવાયું હતું તેમજ વિશેરા પણ લેવડાવ્યા હતા. તો અંકલેશ્વર મામલતદાર હર્ષદ બેલડીયા દ્વારા પણ પી.એમ સેન્ટર ખાતે મૃતક ના સ્વજન સાથે વાતચીત કરી પંચકેશ કરી અને બંનેવ પક્ષે જવાબ નોંધ્યા હતા. આ મામલે અંકલેશ્વર વિભાગીય પોલીસ વડા ચિરાગ દેસાઈ દ્વારા વધુ તપાસ આરંભાઇ હતી.

•મેન્યુફેક્ચરીંગ અને સર્વિસ સેક્ટરમાં 502 MOU

વાયબ્રન્ટ ગુજરાત ગ્લોબલ સમિટ 2022 માં દેશ ના પી.એમ દ્વારા કરવામાં આવેલ આહવાન આત્મનિર્ભર ભારત પર ગુજરાત સરકાર દ્વારા ધ્યાન કેન્દ્રિત કરી વાઇબ્રન્ટ સમિટ ની થીમ “આત્મનિર્ભર ગુજરાતી, આત્મ નિર્ભર ગુજરાત, આત્મનિર્ભર ભારત” રાખી છે.

જે અંતર્ગત ચીન જેવા દેશ સામે કાચા માલ ની સમસ્યા વચ્ચે ચીન ની મોનોપોલી તોડવા માટે સ્થાનિક ઉદ્યોગો પોતાની જરૂરિયાત મુજબ રો મટીરીયલ તૈયાર કરી દેશ ની જરૂરિયાત ને પૂર્ણ કરે તેમજ વિદેશ ની માગ ને પણ પૂર્ણ કરે તેવા ઉદ્દેશ્ય સાથે સૌથી વધુ મેનુફેક્ચરીંગ અને સર્વિસ સેક્ટર તરફ ધ્યાન કેન્દ્રિત કર્યું છે. જેમાં ફાર્મા અને બલ્ક દ્રગ હબ એવું ભરૂચ જિલ્લા માં રો મટીરીયલ ઉત્પાદન ક્ષેત્રે ઉદ્યોગો વધુ આકર્ષિત થયા છે.

ભરૂચ જિલ્લામાં વાઇબ્રન્ટ ગુજરાત સમિટ 2022 માટે અત્યાર સુધીમાં જી.આઈ.ડી.સી વિભાગે 17 એમ.ઓ.યુ કરી 21536 કરોડનું મૂડીરોકાણ મોટા ઉદ્યોગોમાં પ્રસ્થાપિત કર્યું છે. જેના થકી જિલ્લામાં 24515 નવી રોજગારી ઉભી થવાની સંભાવના છે. ભરૂચ જિલ્લા ઉદ્યોગ કેન્દ્રએ વધુ 502 એમ.ઓ.યુ કરી 739.69 કરોડનું પ્રસ્થાપિત મૂડી રોકાણ લાવી નવી 5953 લોકો માટે રોજગારી ઉભી કરી છે.

જિલ્લા ડી.આઈ.સી. વિભાગ એ વાઇબ્રન્ટ ગુજરાત સમિટ 2022 જે યોજાનાર છે. તે પૂર્વે 502 ઉદ્યોગો સાથે એમ.ઓ.યુ કરાર કરી 739.69 કરોડનું પ્રસ્તાવિત મૂડી રોકાણ જિલ્લા માં કરાવ્યું છે. જેમાં જિલ્લા માં નવી 5953 શ્રમિકો માટે રોજગારી ઉભી થશે. જિલ્લામાં હવે 22.275.69 કરોડ પર મૂડી રોકાણ પ્રસ્થાપિત થયા છે. કુલ 519 એમ.ઓ.યુ કરાયા છે.

જિલ્લા કરવામાં આવેલ 502 એમ.ઓ.યુ અંતર્ગત સૂક્ષ્મ અને લઘુ અને મધ્યમ કદના ઉદ્યોગો સ્થપાશે. ડી.આઈ.સી દ્વારા કરવામાં આવેલ એમ.ઓ.યુ માં 85 % રોકાણ ફાર્મા સેક્ટર માં આવી રહ્યું છે. જેમાં મોટા ભાગના ઉદ્યોગો નવી ઉદ્યોગ પોલિસી અને ઈ.સી. સાથે રો મટીરીયલ ઉત્પાદન ક્ષેત્રે એમ.ઓ.યુ કરાર કરવામાં આવ્યા છે.

ભરૂચ જિલ્લામાં માત્ર જીઆઇડીસી વિભાગ એ ભરૂચ જિલ્લામાં 17 એમ.ઓ.યુ કરી 21536 કરોડનું રોકાણ પ્રસ્થાપિત કર્યું છે. ઝગડીયા, દહેજ તેમજ સાયખા ઔદ્યોગિક વસાહતમાં નવા ઔદ્યોગિક એકમ સ્થપાશે. જી.એફ.એલ , એસ.આર.એફ. અને આરતી ઇન્ડસ્ટ્રીઝ દ્વારા કરારો કરાયા છે.

વિવાદોમાં રહેતા નાંદોદના કાંદરોજ ગામે પેહલીવાર ચૂંટણી નહીં યોજાય. નર્મદા જિલ્લાના નાંદોદ તાલુકાનું કાંદરોજ ગામ આઝાદીના ૭૫ વર્ષ બાદ પ્રથમવાર સમરસ થયું છે.આગામી ગ્રામ પંચાયતોની ચૂંટણીઓ માં આ ગામમાં ભારે રસાકસી રહેતી અને પરંતુ આ વર્ષે આખું ગામ એક થઇ ગામમાં રહેતા સહકારી આગેવાન સુનિલ પટેલ દ્વારા ઉમેદવારોને સમજાવતા ગ્રામજનો પણ વાદ વિવાદ છોડી એક થઇ રહેવાનું પસંદ કર્યું અને નર્મદા જિલ્લામાં નાંદોદ તાલુકાનું એક કાંદરોજ ગામ સમરસ થયું છે.

હવે એક થઇ વિકાસની વાત કરવી છે કોઈ ઝગડી ને વેર રાખીને નાના મોટા નથી થતા જો ગામમાં સુખ સુવિધા હશે તો આપનો જ પરિવાર ઉપયોગ કરશે ની વાત ને લઈને નવા સરપંચ અને સભ્યો વાત કરી રહ્યા છે. ગામો અનેક સમરસ થતા હશે પણ હંમેશા વિવિદ માં રહેતું કાંદરોજ ગામ આઝાદીના અમૃત મહોત્સવ ના વર્ષ નિમિતે ચૂંટણીઓ માં એક બીજાની સામે ઝઝુમતું ગામ સમરસ થઈ ને અન્ય ગામો માટે એક દાખલ રૂપ બન્યું છે.

ગામના આગેવાન સુનિલ પટેલે જણાવ્યું હતું કે અમારું કાંદરોજ પ્રથમ વાર ગામ સમરસ થતા જ ગામના લોકોમાં ઉત્સાહ વધ્યો છે. ગામના હીરાબેન વસાવા સરપંચ પડે ચૂંટાયા છે. ગામ સમરસ થતા ચૂંટણી બાદ જે વિવાદો થતા હતા તે હવે નહિ થાય અને ગામ નો વિકાસ થશે. આ વર્ષે ગામ સમરસ થતા આ તમામ વિવાદોનો અંત આવ્યો છે.આગામી દિવસોમાં ગામને વાઇફાઇ થી સજ્જ કરવામાં આવશે.ગામમાં પીવાનું શુદ્ધ પાણી મળી રહે તે માટે આરો પ્લાન્ટ પણ સ્થાપવામાં આવશે.