રાજપારડી પોલીસ દ્વારા જીલ્લામા પ્રોહી/જુગાર બદી નો કડક અમલ કરાવવા પરિણામલક્ષી કામગીરી કરવા સુચના તેમજ માર્ગદર્શન હેઠળ પ્રોહિ જુગાર ના કેસો શોધી કાઢવા સુચના આપવામા આવેલ હોય જે અનુસંધાને રાજપારડી પોલીસ મથક વિસ્તારમાં પેટ્રોલીંગમાં હતા.
દરમિયાન રાજપારડી પોલીસ ટીમને મળેલ બાતમીના આધારે નવા અવિધા(ખડોલી) ગામની ગૌચર ની ખુલ્લી જગ્યામા બાવળીયાની ઓથમા મોબાઇલ ટોર્ચના અજવાળે નીચે બેસી કેટલાક ઇસમો ભેગા મળી પૈસા વડે પત્તા પાનાનો હારજીત નો જુગાર રમી રમાડે છે.

જે આધારે જુગારવાળી જગ્યા એ રેડ કરતા જુગાર રમતા પકડાયેલ ઇસમોમાં વિક્રમભાઇ દીલીપભાઇ વસાવા, મુકેશભાઇ રમેશભાઇ વસાવા,અનિલભાઇ રમણભાઇ વસાવા,સહદેવભાઇ શનાભાઇ વસાવા,અભયભાઇ મહેશભાઇ વસાવા,રાકેશભાઇ દિનેશભાઇ વસાવા તમામ રહે.નવા અવિધા(ખડોલી) તા.ઝઘડીયા જી.ભરૂચને ઝડપી પાડ્યા હતા.

પોલીસે દાવ ઉપરના રોકડા રૂપિયા ૫૨૨૦/- તથા જુગાર રમતા ઇસમોની અંગ ઝડતી ના રોકડા કુલ રૂપિયા ૬૦૫૦/- મળી કુલ રૂપિયા ૧૧,૨૭૦/- તથા મોબાઇલ નંગ-૦૪ કી.રૂ.૮૦૦૦/- તથા જમીન ઉપર પાથરેલ પ્લાસ્ટીકના પાથરણા ઉપર પત્તા પાના નંગ-૫પર૨ કિ,રૂ.૦૦/-મળી કુલ્લે કી.રૂ.૧૯,૨૭૦/- નો મુદ્દામાલ કબ્જે કરવામા આવેલ છે તેમજ હાલમા કોરોના સંક્રમણ ફેલાયેલ રીતે બીજાની જીંદગી જોખમાય તેમજ સોશીયલ ડિસ્ટંસનો અભાવ રાખી ટોળુ વળી જુગાર રમતા પકડાઇ ગયેલ હોય તેઓની સામે જુગાર ધારા કલમ ૧૨ મુજબ તેમજ ઇ.પી.કો. કલમ ૨૬૯ તથા 1૫૩107 કલમ ૫૧(બી) મુજબ કાયદેસર ની કાર્યવાહી કરવામા આવેલ છે

• ૧૬ જેટલા ખેતરોની શેરડી સળગાવી દેવાતા ગ્રામ પંચાયતના સરપંચ અને સભ્યોએ અસામાજીક તત્વો સામે કાર્યવાહીની માંગ કરી.

ભરૂચ જીલ્લાના ઝઘડીયા તાલુકાના રાણીપુરા ગામે ગત તા.ર૯ મીના રોજ રાતના સમયે ગામના મકોડિયા વગા,કાછી વગા,ઝોરા વગા અને યાડિયા વગામાં આવેલ ૧૬ જેટલા શેરડીના ખેતરોમાં કોઈ અસામાજીક તત્વોએ આગ લગાડી દેવાતા આ ખેડૂતોને અંદાજીત રૂપિયા પાંચ લાખ જેટલું નુકશાન થયુ હતુ.આ ઘટના બાબતે તે સમયે ઝઘડીયા પોલીસમાં ફરિયાદ આપવામાં આવી હતી.

આ ખેડૂતો દ્વારા આક્ષેપ કરવામાં આવ્યો હતો કે તાજેતરમાં યોજાઈ ગયેલ ગ્રામ પંચાયતની ચુંટણીની અદાવત રાખીને કોઈ વિઘ્નસંતોષિ દ્વારા આગ લગાડવામાં આવી હતી. ઉલ્લેખનીય છેકે ૨૦૦૭ ની સાલથી ર૦ર૧ સુધી રાણીપુરા ગામે ગ્રામ પંચાયતની ચુંટણી નથી થઈ.અત્યારસુધી ગામમાં બિનહરિફ પંચાયત બનતી હતી. જ્યારે હાલમાં ગામમાં ચુંટણી યોજાઈ હતી.દરમ્યાન આજરોજ રાણીપુરા ગામના સરપંચ મીતાબેન સુરેશભાઈ વસાવા તેમજ મનોજભાઈ ઠાકોરભાઈ દેસાઈ સહિતના પંચાયત સધ્સ્યોએ આજરોજ ભરૂચ જીલ્લા કલેક્ટર અને જીલ્લા પોલીસવડાને આવેધ્ન આપી રાણીપુરા ગામે શેરડીના ૧૬ જેટલા ખેતરો સળગાવી ઇઈને ખેડૂતોને લાખો રૂપિયા નુકશાન પહોંચાડનાર અસામાજીક તત્વો સામે કાયદેસર કાર્યવાહી કરવા માંગ કરી હતી.

આવેદનમાં વધુમાં જણાવાયું હતું કે અગાઉ પણ રાણીપરા ગામે સરકારી તેમજ પંચાયતની માલિકીની મિલકત અને સામાનને નુકશાન પહોંચાડવા ઉપરાંત તેની ચોરી થતી હોવાના બનાવો તેમજ ખેતરોમાં પણ ચોરી અને ભેલાણના બનાવો બનતા હતા. હાલમાં ૧૬ ખેતરોના ૭૦ વિઘા જમીનમાં વાવેતર કરેલ શેરડીનો પાક સળગાવી ઇઈને ખેડૂતોને નુકશાન પહોંચાડવાનું કૃત્ય ચુંટણીની અદાવતે જ કરાયુ હોવાની રજુઆત કરીને આવા અસામાજીક તત્વો પર કાયદેસર કાર્યવાહી કરવા પણ માંગ કરાઇ હતી.

• વડાપ્રધાન નરેન્દ્ર મોદીએ ટ્વીટ કરીને કહ્યું કે, માતા વૈષ્ણોદેવી ભવનમાં નાસભાગમાં લોકોના મોતથી ખૂબ જ દુઃખી છું. શોકગ્રસ્ત પરિવારો પ્રત્યે સંવેદના. ઘાયલો જલ્દી સાજા થાય.

વૈષ્ણો દેવી ભવનમાં ભાગદોડમાં 12 શ્રદ્ધાળુઓના મોત થયા છે. જાનહાનિ વધવાની આશંકા છે. જમ્મુ-કાશ્મીરના ડીજીપી દિલબાગે જણાવ્યું કે આ નાસભાગમાં 12 લોકોના મોત થયા છે અને 13 લોકો ઘાયલ થયા છે. બચાવ કાર્ય ચાલુ છે, ભાગદોડની ઘટના સામાન્ય થયા બાદ વૈષ્ણો દેવીની યાત્રા ફરી શરૂ કરવામાં આવી છે.

જમ્મુ-કાશ્મીરમાં નવા વર્ષ નિમિત્તે માતા વૈષ્ણોદેવી મંદિરમાં નાસભાગના સમાચાર સામે આવ્યા છે. એવી માહિતી છે કે આના કારણે અત્યાર સુધીમાં 12 લોકોના મોત થયા છે, જ્યારે ડઝનબંધ લોકો ઘાયલ થયા છે. ઘાયલોમાં ઘણાની હાલત ગંભીર છે. રાહત અને બચાવ કાર્ય ચાલુ છે. અધિકારીઓએ જણાવ્યું હતું કે શ્રદ્ધાળુઓની ભારે ભીડને કારણે નાસભાગ મચી ગઈ હતી. આ ઘટના ત્રિકુટા હિલ્સ પર સ્થિત મંદિરના ગર્ભગૃહની બહાર બની હતી.

અધિકારીઓએ જણાવ્યું કે નવા વર્ષની શરૂઆત નિમિત્તે ભક્તો મોટી સંખ્યામાં દર્શન કરવા આવ્યા છે. દરમિયાન નાસભાગ મચી ગઈ હતી. વરિષ્ઠ અધિકારીઓ અને શ્રાઈન બોર્ડના અધિકારીઓ સ્થળ પર હાજર છે. અધિકારીઓએ જણાવ્યું હતું કે ઘણા લોકો મૃત મળી આવ્યા હતા અને તેમના મૃતદેહોને ઓળખ અને અન્ય કાનૂની ઔપચારિકતા માટે હોસ્પિટલમાં મોકલવામાં આવ્યા હતા. ઓછામાં ઓછા 26 અન્ય લોકોને માતા વૈષ્ણોદેવી નારાયણ સુપરસ્પેશિયાલિટી હોસ્પિટલ (Mata Vaishno Devi Hospital) સહિત અન્ય હોસ્પિટલમાં દાખલ કરવામાં આવ્યા છે. કેટલાય ઘાયલોની હાલત ગંભીર ગણાવવામાં આવી છે.

જમ્મુ અને કાશ્મીરના કટરા સામુદાયિક સ્વાસ્થ્ય કેન્દ્રના બ્લોક મેડિકલ ઓફિસર ડૉ. ગોપાલ દત્તે જણાવ્યું છે કે, માતા વૈષ્ણોદેવી ભવનમાં નાસભાગને કારણે 12 લોકોના મોત થયા છે અને ઘાયલોને નારાયણા હોસ્પિટલમાં દાખલ કરવામાં આવ્યા છે. તેમણે કહ્યું કે મૃતકોમાં દિલ્હી, હરિયાણા, પંજાબ અને જમ્મુ-કાશ્મીરના લોકોનો સમાવેશ થાય છે. આ મામલે વધુ માહિતી મેળવવાની રાહ જોવાઈ રહી છે. તેમજ યાત્રા રોકી દેવામાં આવી છે.

પીએમઓ વતી, ટ્વીટ કરીને કહેવામાં આવ્યું છે કે નાસભાગમાં જીવ ગુમાવનારા દરેક વ્યક્તિના પરિવારને PMNRF તરફથી 2 લાખ રૂપિયા અને ઘાયલોને 50,000 રૂપિયા આપવામાં આવશે.

• એક યુવકનું 6 હજાર કિમી વોકિંગ, બીજા યુવકનું 4 હજાર કિમી સાઈકલિંગ

ભારતીય સંસ્કૃતિના દર્શન કરવા કેરળ અને કન્યાકુમારીથી કાશ્મીર જવા નીકળેલા કેરાલાના સાયકલીસ્ટ અને દોડવીર યુવાન ભરૂચ આવી પહોંચતા બંનેવ યુવાનોનું ભરૂચ બાઈસીકલ ગ્રુપના સભ્યોએ ઉષ્માભેર સ્વાગત કર્યું હતું.

કેરાલાથી કાશ્મીર સાયકલિંગમાં નીકળેલા શહાશિલ તથા કન્યાકુમારીથી કાશ્મીર રોશન વોકિંગ કરી ગુરુવારના રોજ સાંજે ભરૂચના કસક ગુરુદ્વારા ખાતે આવી પહોંચ્યા હતા.બંનેવ સાયકલીસ્ટ શુક્રવાર સવારે ફરી સાયકલ યાત્રા શરૂ કરે તે પૂર્વે ભરૂચ બાયસીકલ ગ્રુપના સભ્યોએ તેમનું સન્માન કરી પ્રોત્સાહિત કર્યા હતા. તેમજ તેઓની આગળની યાત્રા સુખમય નીવડે તે માટે શુભેચ્છાઓ પાઠવી હતી.સાથે જ દોઢસો વર્ષ જૂના ઐતિહાસિક ધરોહર ગોલ્ડન બ્રિજ પર સાયકલિંગ કરીને બંને સાયકલિસ્ટને સન્માનિત કરવામાં આવ્યા હતા.

ઉલ્લેખનીય છે કે રોશન કુલ 6000 કિમી કન્યાકુમારીથી કાશ્મીર સુધી વોકિંગ કરીને આખા દેશની સંસ્કૃતિના દર્શન કરશે. તેમજ શહાસિલ 4000 કિમી સાયકલિંગ કરીને કેરલાથી કાશ્મીર સુધી ફરશે.આ બંને યુવાનો ભારતીય સંસ્કૃતિનો અનુભવ કરવાના હેતુ થી હજારો કિલોમીટરની યાત્રા પર નીકળ્યા છે.

ભારતના સ્વતંત્રતાની ૭૫ મી વર્ષગાંઠ નિમિત્તે “આઝાદીકા અમૃત મહોત્સવ” અન્વયે હાથ ધરાયેલ પાંચ દિવસીય “નદી ઉત્સવ” ઉજવણીના ભાગરૂપે સિંચાઇ વિભાગ દ્વારા આજે સમાપન સમારોહમાં ગુજરાત વિધાનસભાના નાયબ મુખ્ય દંડક દુષ્યંતભાઇ પટેલ, ભરૂચ નગરપાલિકાના પ્રમુખ અમીતભાઇ ચાવડા, જિલ્લા આગેવાન મારૂતિસિંહ અટોદરીઆ,નિવાસી અધિક કલેકટર જે.ડી.પટેલ, સ્વામિનારાયણ સંપ્રદાયના સંતો, સહિત આગેવાન પદાધિકારીઓ-અધિકારીઓ અને શહેરીજનોની ઉપસ્થિતિમાં નર્મદા મૈયાના સાન્નિધ્યમાં નર્મદા પાર્ક – ભરૂચ ખાતે નર્મદા આરતી તથા પુજાવિધિના કાર્યક્રમને દિપ પ્રાગટ્ય દ્વારા ખૂલ્લો મુક્યો હતો. આ પ્રસંગે નદીઓની પવિત્રતા અને સ્વચ્છતા જાળવવા તથા પ્લાસ્ટિક મુક્ત બનાવવાના સૌએ સંકલ્પ લીધા હતા.

આ પ્રસંગે નાયબ મુખ્ય દંડક દુષ્યંતભાઇ પટેલે જણાવ્યું હતું કે, આઝાદીના અમૃત મહોત્સવના ભાગરૂપે નદી ઉત્સવની ઉજવણી ગુજરાતની સાબરમતી, તાપી અને ગરૂડેશ્વર અને ભરૂચ નર્મદા નદીના તટે અનેકવિધ કાર્યક્રમો થકી નદીઓને ઉજાગર કરવાનું કામ રાજય સરકાર દ્વારા કરવામાં આવી રહ્યું છે ત્યારે આપણા સહુની પણ એટલી જ જવાબદારી છે કે નદીઓને સ્વચ્છ રાખીએ. તેનું જતન કરવા ઉપરાંત તેની જાળવણી કરવા જણાવ્યું હતું. નિલકંઠેશ્વર મંદિર ભરૂચની એક પવિત્ર જગ્યા છે અને મા નર્મદા નદીના દર્શન કરવાથી ધન્યતાની અનુભુતિ થતી હોય છે.

નર્મદા નદી એ ગુજરાતની જીવાદોરી સમાન છે તેમ જણાવી પટેલે આવનાર દિવસોમાં ભાડભૂત બેરેજ યોજના નિવિધ્ને સંપન્ન્ન થાય બંને કાંઠે નર્મદાનો કાંઠો છલોછલ ભરાયેલો રહે તેવી પ્રાર્થના કરી હતી. નદી ઉત્સવના પાંચ દિવસના સુંદર આયોજનને બિરદાવી આ તકે ભરૂચવાસીઓને શુભેચ્છાઓ પાઠવી હતી.

આ પ્રસંગે નર્મદા પાર્ક- ભરૂચ ખાતે સિંચાઇ વિભાગના ધ્વારા આયોજીત કાર્યક્રમમાં સંસ્કૃત પાઠશાળાના વિધાર્થીઓ ધ્વારા મંત્રોચ્ચાર કરવામાં આવ્યો હતો. નાયબ મુખ્ય દંડક દુષ્યંતભાઇ પટેલ, નગરપાલિકાના પ્રમુખ અમીતભાઇ ચાવડા, જિલ્લા આગેવાન મારૂતિસિંહ અટોદરીઆ, સ્વામિનારાયણ સંપ્રદાયના કોઠારી સ્વામી, મનન આશ્રમના સ્વામી, સંતો – મહંતો તથા આગેવાન પદાધિકારીઓએ નર્મદા મૈયાની પુજાપાઠ કર્યા બાદ સંધ્યા મહા આરતી, દીપોત્સવ, રીવર મશાલમા સહભાગી બન્યા હતા. આ પ્રસંગે ૧૧૦૦ દિવા, ૭પ આરતી અને ૭પ મશાલની વ્યવસ્થા કરવામાં આવી હતી. આ પ્રસંગે જાનકી મીઠાઇવાલા કલાવૃંદ ધ્વારા નર્મદા આરતી, નર્મદા અષ્ટકમ સહિત મા નર્મદાના ગીતો રજુ કર્યા હતા.

આ પ્રસંગે તપોવન સંસ્થાના પ્રમુખ દિનેશભાઇ પંડયા, પ્રાંત અધિકારી એન.આર.પ્રજાપતિ, સિંચાઇ વિભાગના ઉચ્ચાધિકારીઓ, મુખ્ય અધિકારી સંજય સોની, જિલ્લા પંચાયત- તાલુકા પંચાયતના સદસ્યો, ભોલાવ, ઝાડેશ્વર ગામના સરપંચશ્રીઓ, આગેવાન પદાધિકારીઓ, નગરપાલિકાના હોદેદારો, નગરજનો વગેરે ઉપસ્થિત રહ્યા હતા..