• ભરૂચ ખાણ ખનીજ વિભાગને જાણ કરી કાયદેસરની કાર્યવાહી કરવા જણાવ્યું.

આમોદ મામલતદારે ગતરોજ રાતના સમયે રેતી ભરેલું ઓવરલોડ ડમ્પર જપ્ત કરી આમોદ મામલતદાર કચેરીમાં મૂકી દીધું હતું.ત્યારે ઓવરલોડ ડમ્પરો ચલાવીને સરકારની રોયલ્ટીને નુકશાન પહોંચાડતા તત્વોમાં મામલતદારના કડક વલણથી ફફડાટ ફેલાઈ ગયો હતો.

આમોદ તાલુકાના સરભાણ અને માતર ગામની વચ્ચે ઓવરલોડ રેતી ભરેલું ડમ્પર પસાર થતું હતું જે બાબતે આમોદ મામલતદાર ડૉ.જે.ડી. પટેલને જાણ થતાં તેમણે ૪૬ ટન રેતી ભરેલું ડમ્પર નંબર GJ 05 BX 6078 જપ્ત કરી ભરૂચ ખાણ ખનીજ વિભાગને રિપોર્ટ કરી યોગ્ય કાર્યવાહી કરવા જણાવ્યું હતું.ત્યારે આમોદ મામલતદારની કડક કાર્યવાહીથી રેતી માફિયાઓમાં ફફડાટ ફેલાઈ ગયો હતો. એક તરફ ભરૂચના સાસંદ મનસુખભાઇ વસાવાએ ભૂમિ માફિયાઓ સામે બાયો ચઢાવી છે ત્યારે હવે વહીવટી તંત્રએ પણ રેતી માફિયાઓ સામે લાલ આંખ કરી કાયદેસરની કાર્યવાહી કરી હતી.ત્યારે હવે જોવું રહ્યું કે ભરૂચનું ખાણ ખનીજ વિભાગ કેટલો દંડ ફટકારે છે?

• વિનોદ પરમાર, ન્યુઝલાઇન,આમોદ

• લકઝરી બસમાં પેસેન્જર સીટ નીચે ચોર ખાના માંથી ૪૪૮ પેટી દારૂ ની મળી આવી;

એલ.સી.બી.ને મળેલ ચોક્કસ બાતમી આધારે સાગબારાની ધનશેરા ચેકપોસ્ટ ઉપર એલ.સી.બી. સ્ટાફના માણસો વોચ તપાસમાં રહેતા એક અશોક લેલન કંપનીની સ્લીપર કોચ બસ નં.RJ-46-PA 1683 માં તપાસ કરતા તમામ પેસેન્જર સીટની નીચે પ્લાયવુડ ની પાટીયા ખોલી જોતા જે માંથી ઇંગ્લીશ દારૂ અલગ-અલગ બ્રાન્ડની કુલ બોટલ તથા બિયર ટીન બોટલ નંગ-૯૫૬૪ કુલ કિંમત ૩.૧૬,૭૪,૦૦૦/- નો જથ્થો મળી આવ્યો હતો.

પોલીસે લકઝરી બસ કિ.રૂ.૧૫,૦૦,૦૦૦/- મળી કુલ કિં.રૂ.૩૧,૮૧,૯૧૦/- નો મુદ્દામાલ જ્પ્ત કરી ઉદયલાલ ભેરૂલાલજી મેનારીયા રહે.૧૦૭, નવ બાવડી પાસે, પાનેરીચોકી માંદળી, તા.જી. ઉદેયપુર રાજસ્થાન તથા રઘુવિરસિંહ શંકરસિંહ યુન્ડાવત રહે. ઓઝાગર ગામ પોસ્ટ- રામપુરીયા તા.જી.ભીલવાડા રાજસ્થાન તથા ભુપેન્દ્રસિંહ જસવંતસિંહ રાજપુત રહે.૧૭૫ પાન્નય સર્કલ નજીક,આઝાદ નગર તા.જી.ભીલવાડા રાજસ્થાન વિરૂધ્ધ ગુનો દાખલ કરી કાયદેસરની કાર્યવાહી હાથધરી છે.

• રિપોર્ટર: સર્જન વસાવા,ન્યુઝલાઇન, દેડીયાપાડા

દેડીયાપાડા વિસ્તારમાં ટ્રક ડ્રાઇવરને મારપીટ કરીને લૂંટી લીધેલ, જે અનુસંધાને દેડીયાપાડા પો.સ્ટે.માં ગુનો નોંધાયેલ. જે ગુનાની તપાસ માટે એ.એમ.પટેલ, પોલીસ ઇન્સ્પેક્ટર એલ.સી.બી. તથા એલ.સી.બી. ટીમના પોલીસ માણસો દ્વારા અલગ અલગ ટીમો દ્વારા સતત વોચ તેમજ બાતમીદાર મારફતે બાતમી હકીકત મેળવવા તજવીજ કરતા

અંગત બાતમીદાર દ્વારા માહીતી મળેલ કે એક મહીદ્રા કંપનીની જુના મોડલની મજર 4+4 ગાડી નંબર MP-09-HA-6145 નેત્રંગ નજીક બોરખાડી બસ સ્ટેન્ડ પાસે મેઇન રોડ ઉપર જોવા મળેલ હોવાની હકીકત આધારે નેત્રંગ- ડેડીયાપડા રોડ પર એલ.સી.બી. ટીમ દ્વારા ચેક કરતા બાતમીવાળી ગાડીને રોકી ગાડીમાં બેસેલ (૧) હમીદ અજમેરી શેખ રહે.દેવાસ MP (૨) દેવીલાલ રમેશચંદ્ર જાદવ (3) મુકેશ ખુશીલાલ જાટવ (બન્ને રહે. મકસી MP)ને પકડી આ આરોપીઓને પુછપરછ કરતા તેઓએ દેડીયાપાડા ખાતે ટેમ્બાપાડા ખાતે એક ટ્રકને રોકીને લૂંટ કરેલ હોવાની કબુલાત કરી હતી અને લુંટમાં ગયેલ મુદામાલ રોકડા ૩.૨૪,૯૦૦/- આરોપીઓ પાસેથી કબજે કરેલ છે.

આ કામના ફરીયાદી ટ્રક ડ્રાઇવરને આરોપીઓની ઓળખ કરાવવામાં આવી ત્યારે ફરીયાદીએ પણ આ આરોપીઓને ઓળખી બતાવેલ. જેથી આ ગુનાના કામે પકડાયેલ આરોપીઓ તથા લૂંટના ગુનાના કામે વપરાયેલ એક મહીદ્રા કંપનીની જુના મોડલની મજર 4+4 ગાડી નંબર MP-09 HA-6145 તથા પ્લાસ્ટીકના બે કારબા આશરે ૩૫ લિટરના તથા એક પ્લાસ્ટિકની પાઇપ તથા આરોપીઓ પાસેથી રોકડા રૂ.૨૪૯૦૦/- તથા એક કાળા કલરનો એન્ડ્રોઇડ વીવો કંપનીનો મોબાઇલ તથા બે સાદા કીપેડ વાળા મોબાઇલ ફોન ગુનાના કામે કબજે કરી અનડીટેક્ટ લૂંટ ડીટેક્ટ કરી આરોપીઓ તથા મુદ્દામાલ દેડીયાપાડાને સોંપી આગળની કાયદેસરની કાર્યવાહી કરવામાં આવી છે.

• સર્જન વસાવા, ન્યુઝલાઇન, દેડીયાપાડા