જંબુસર તાલુકાના ઉબેર ગામના ધરતીપુત્ર બહાદુરસિંહ ચંદ્રસિંહ જેઓને એક પુત્ર તથા પુત્રી જેમાં મોટી પુત્રી ચંદ્રિકાબેન તેમની નાની ઉંમરમાં કોલેજકાળ પૂર્ણ કર્યા પછી તરત પિતાનો સહારો બનવા અને કુટુંબનું ભરણપોષણ થાય તે માટે ચંદ્રિકાબેને ૧૯૯૩ માં વિકાસ સંસ્થામાં સર્વેયર તરીકે નોકરી હાંસલ કરી અને સંસ્થાને વફાદાર રહી અલગ અલગ ગામોમાં ફરી જનજન સુધી પહોંચ્યા.
ત્યારબાદ ૨૦૦૯થી આતાપી સેવા ફાઉન્ડેશન માં ઝંપલાવ્યું અને હાલ પ્રોગ્રામ ડિરેક્ટર તરીકે પદવી હાંસલ કરી ચંદ્રિકાબેન અશોકભાઈ જેઓ ગરીબો અને જરૂરિયાતમંદોની સેવાના કાર્યમાં એટલા ઓતપ્રોત થયા તેમને દસ હજાર લોકો સાથે સંપર્કમાં રહી મહિલાઓના જીવનને સ્પર્શ્યુ છે. તેમની ફરજ નિષ્ઠા અને સેવાકીય કાર્યો કરી મહિલાઓ સાથે તેમના વિકાસ અને અધિકારો માટે કામ કર્યું તે બદલ દિપક ફાઉન્ડેશન દ્વારા સામાજિક પરિવર્તનના સ્તંભોને સન્માનિત કરતા ત્રીજા કાન્તાબેન મહેતા મેમોરિયલ એવોર્ડ બદલ પસંદગી કરી સમાજ કાર્યમાં રોલ મોડલ તરીકે સન્માનિત કરવામાં આવ્યાં હતાં જંબુસરનું નામ રોશન કરવા બદલ શુભેચ્છકો દ્વારા ચંદ્રીકાબેન અશોકભાઈને શુભેચ્છાઓ પાઠવવામાં આવી હતી.
- સંજય પટેલ,ન્યુઝલાઇન, જંબુસર