ભરૂચ “સી” ડીવીઝન પોલીસ સ્ટેશનમા સાયબર ક્રાઇમને લગતા બનાવમાં અરજદાર બહેને એક ધાર્મીક ટીવી ચેનલ ઉપર “ઇસ યુગકા સમાધાન” નામની જાહેરાત જોયેલ જેથી અરજદાર બહેનને સોસાયટીના કુતરાઓથી હેરાનગતી થતી હોય જેથી તેમાં જણાવેલ સંપર્ક નંબર ઉપર ફોન કરતા અરજદારને વિધી કરવાના તથા તેમના પુત્ર તેમજ પતિ ઉપર સંકટ દુર કરવાના બહાને અરજદાર પાસેથી કુલ ૨,૮૪,૭૮૦/- રૂપીયા ટ્રાન્સફર કરાવેલ ત્યારબાદ વધુ રૂપીયાની માગણી કરતા અરજદારને પોતાની સાથે ફ્રોડ થયાની જાણ થતા અરજદાર દ્વારા ભરૂચ સી ડીવીઝન પોલીસ સ્ટેશનનો સંપર્ક કર્યો હતો.

જેથી ભરૂચ સી ડીવીઝન પોલીસ દ્વારા આ બનાવમાં ભોગ બનનારને મદદરૂપ થઇ તાત્કાલીક એક્શન લઇ અરજદારે બેંક ઓફ બરોડા ઇલ્હાબાદ (યુ.પી) બ્રાંચના બેંક એકાઉટમાં રૂપીયા ટ્રાન્સફર કરેલ જે એકાઉટને બેંકમાં ઇમેલ કરી તાત્કાલિક ડેબીટ ફ્રિઝ કરાવેલ જેથી સામાવાળાની અમુક રકમ બ્લોક થઇ ગયેલ જેથી સામાવાળા નાઓએ અત્રેના પોલીસ મથક નો સંપર્ક કરી અરજદારના ખાતામાં કુલ રૂ.૨,૪૮,૭૮૦/- બેંક એકાઉન્ટમાં પરત કરવાની પ્રોસીજર કરવામાં આવેલ છે .

ભરૂચ સી ડીવીઝન પોલીસ દ્વારા જણાવવામાં આવે છે કે આપના મોબાઇલ ઉપર કોઇ પણ પ્રકારના બેન્કમાંથી માહીતી માટે ફોન આવેતો આવા ફોન નો જવાબ આપવો નહી જરૂર જણાય તો રૂબરૂ બેન્કમાં જઇ માહીતી મેળવવી અને જોજરૂર જણાય સાઈબર ક્રાઈમ સેલ ભરૂચ અથવા નજીકના પોલીસ સ્ટેશન અથવા ૧૯૩૦ નંબર પર સંપર્ક કરવા અપીલ કરાઇ છે.

ભરૂચના શક્તિનાથ રેલવે ગરનાળા પાસે આવેલા મહાદેવ નગરમાં રહેતાં 59 વર્ષીય ગણેશ રમણ રાણા કલેક્ટર કચેરી ખાતે પટાવાળા તરીકે ફરજ બજાવે છે. ઉપરાંત તેમના ઘર પાસે આવેલાં નગરપાલિકાના ગાર્ડનની પણ દેખભાળ અને રાખે છે.

રાત્રે તેઓ ગાર્ડનનો દરવાજો બંધ કરતાં હતાં. દરમિયાનમાં ગઇકાલે રાત્રીના સમયે તેઓ ગાર્ડનનો દરવાજો બંધ કરવા જતાં નજીકમાં જ રહેતાં ધ્રુવિલ કાયસ્થ તેમજ બીજા શખ્સો બાળકોના હિચકા પર બેસી મસ્તી કરતાં હોઇ ગણેશભાઇએ તેમને બાળકોના હિંચકા પર ન બેસવા કહેતાં ધ્રુવિલ સહિત રાજ કાયસ્થ, પ્રકાશ ઉર્ફે મુન્નો કાયસ્થ, પ્રથમ કાયસ્થ તેમજ પ્રશાંત કાયસ્થ નામના પાંચ શખ્સોએ તેમના પર હૂમલો કરી ઇજા પહોંચાડી હતી. ઇજાગ્રસ્તને તાત્કાલિક સારવાર માટે ભરૂચની સિવિલ હોસ્પિટલમાં ખસેડવામાં આવ્યા હતા.