- ચોરી કરેલ પાઉડર મુદામાલ કિ.રૂ. ૧૭,૧૬,૧૨૦/-નો સંપુર્ણ મુદામાલ રીકવર કરતી અંકલેશ્વર શહેર પોલીસ
ગત તા ૧૧/૦૪/૨૦૨૨ ના રોજ UPL – 1 ના ગેટ નંબ૨-૨ પાસે પાર્ક કરેલ આઈસર ટેમ્પો નં GJ -16 -AU -4009 માં પાનોલી ખાતે આવેલ સાવરીયા ગોડાઉન NKD ખાતેથી ઉલાલા અને પનાના પાઉડર ભરેલ ૪૯૩ બોક્ષ જેના એક બોક્ષમાં ૬ કિ.ગ્રા પાવડર હતો જે ટેમ્પો UPL કંપનીના ગેટ પાસે પાર્ક કરેલ હતો.આ ટેમ્પામાંથી રાત્રીના સમયે કોઈ અજાણ્યા ઈસમોએ પાઉડરના ૪૯૩ બોક્ષમાંથી ૪૨ બોક્ષ ચોરી થતા અંકલેશ્વર શહેર પોલીસ સ્ટેશનના પો.સ્ટાફ દ્વારા જગ્યા ઉપર જઈ કંપનીના ગેટ ઉપરના સીસીટીવી ફુટેજ મેળવી અને સીસીટીવી ફુટેજનો અભ્યાસ કર્યા બાદ પોલીસ સ્ટાફ દ્વારા અંકલેશ્વર શહેર વિસ્તારમાં અલગ-અલગ બાતમીદારો તથા રોડ ટ્રાન્સપોર્ટની ઓફીસોમાં ફુટેજ દેખાડવા સારૂ વિરતારમાં હતા.
તે દરમ્યાન બાતમી મળેલ કે “ UPL કંપની પાસે થયેલ ચોરીમાં વપરાયેલ સફેદ અને ગ્રે કલરનો ટેમ્પો યોજ નો ટેમ્પો ચોરેલ મુદામાલ વેચવા હોટલથી વાલીયા ચોક્ડી આવે છે. જે બાતમી આધારે સુરત થી અંકલેશ્વર ને.હા ૪૮ ઉપરથી વાલીયા ચોકડી નીચે ઉતરવાના કટ ઉપર અલગ- અલગ જગ્યા પર વોચમા રહી બાતમી મુજબનો ટાટા કે ટાટા ટેમ્પો આવતા તેને સાથેના પોલીસ માણસો દ્વારા કોર્ડન કરી રોડની સાઈડમાં ઉભો રખાવી રજીસ્ટેશન નંબર જોતા GJ – 16 – AU – 3497 નો હતો અને ટેમ્પાના પાછળના ભાગે ચેક કરતા સાત મીણીયા થેલામાં સફેદ પાઉડર ભરેલ મળી આવેલ. પોલીસે આ મુદામાલ બાબતે ઝડપાયેલ બે આરોપીઓને પુછપરછ કરતા આજથી છ દિવસ અગાઉ UPL – ૧ કંપનીના ગેટ પાસેથી આઇસર ટેમ્પામાંથી પાઉડરના બોક્ષ બીજા ત્રણ ઈસમો સાથે મળી ચોરી કરેલાની કબુલાત કરી હતી. પોલીસે મુદામાલ કબ્જે કરી આ ગુનાના કામે બે આરોપીઓને અટક કરી કાયદેસરની કાર્યવાહી કરી છે.
