દેશભરમાં બેંક કર્મચારીઓએ ખાનગીકરણના વિરોધમાં આજે અને આવતીકાલે એમ બે દિવસ સુધી હડતાળની જાહેરાત કરી છે. ત્યારે ભરૂચ જિલ્લાની રાષ્ટ્રીયકૃત બેંકના કર્મચારીઓ પણ આ હડતાળમાં જોડાયા હતા. જેને લઈ સવારથી જિલ્લાની બેંકો બંધ રહી હતી. બેંક બહાર પોસ્ટર અને નોટિસ બોડ પર બે દિવસ બેંકો બંધ છે તેવા બોડ પણ લગાવાયા હતા.

સરકાર દ્વારા બેંકોના ખાનગીકરણનો ખરડો લાવવા જઇ રહી છે, તેના વિરોધમાં બેંક કર્મચારીઓની આજથી 2 દિવસીય દેશવ્યાપી હડતાળમાં ભરૂચ જિલ્લા સહિત ગુજરાતની તમામ રાષ્ટ્રીયકૃત બેંકોની 256 થી વધુ શાખાઓના 2800થી વધુ કર્મચારીઓ જોડાયા હતા. જેને લઈ ભરૂચ, અંકલેશ્વર, વાલિયા સહિત તાલુકાની રાષ્ટ્રીયકૃત બેંક બહાર પોસ્ટર અને નોટિસ બોડ પર બે દિવસ બેંકો બંધ રહશે તેવા બોડ લગાવવામાં આવ્યાં હતા. બેંકના કર્મચારીઓ બેંકના ખાનગીકરણના મુદ્દે કામગીરીથી અલિપ્ત રહી બેંકોમાં હડતાળ પાળી હતી. બેંકની તમામ યુનિયાનો એક સાથે હડતાળ ઉપર ઉતરતા બેંકના ગ્રાહકોના બેંકના કામો અટવાયા હતા. બેંકના ગ્રાહકોને ધક્કો પડ્યો હતો.જોકે હડતાળના કારણે બે દિવસ બેંકોનું કામકાજ બંધ રહેવાથી ભરૂચ જિલ્લામાં કરોડો રૂપિયાના ટ્રાંજેક્સન પણ અટવાશે.

આમોદ પોલીસ સ્ટેશનમાં કાંકરીયા ગામમાં આદિવાસી સમાજના લોકોનું લોભ અને લાલય આપી ધર્માતરણ કરી દેવાયું હોવાની પોલીસ કરિયાદ નોંધાઇ હતી.

આ મામલામાં પોલીસે અગાઉ 4 આરોપીઓ અબ્દુલ અજીજ પટેલ (અજીતભાઇ છગનભાઇ વસાવા),યુસુફભાઇ જીવણભાઇ પટેલ (મહેન્દ્રભાઇ જીવણભાઇ વસાવા),ઐયુબ બરકત પટેલ (રમણભાઇ બરકતભાઇ વસાવા),ઇબ્રાહીમ પુના પટેલ (જીતુભાઇ પુનાભાઇ વસાવા) તમામ રહે-કાંકરીયા, તા.આમોદ, જિ.ભરૂચ. ની ધરપકડ કરી હતી.

જે આરોપીઓની વધુ પુછપરછ દરમિયાન આ મામલે વધુ ૬ આરોપીઓના નામો ખુલતા પોલીસે આ મામલામાં યાકુબ ઈબ્રાહીમ શંકર રહે-પાંજરાપોળ ઓફિસની પાસે માલીનો ટેકરો સમી તા.સમી જિ.પાટણ ,રીઝવાન મહેબુબભાઈ પટેલ રહે-ધનજીશા જીન પાલેજ જિ.ભરૂચ,ઠાકોરભાઈ ગીરધરભાઈ વસાવા રહે-પુરસા નવી નગરીની સામે સીફા રેસીડેન્સી તા.આમોદ જિ.ભરૂચ,સાજીદભાઈ અહમદભાઈ પટેલ રહે-અમીજી સ્ટ્રીટ આછોદ તા.આમોદ જિ.ભરૂચ,યુસુફ વલી હસન પટેલ રહે-બચ્ચોકા ઘર ચાર રસ્તા તા.આમોદ જિ.ભરૂચ,ઐયુબ બસીરભાઈ પટેલ રહે-૧૦,નુરાની સોસાયટી જંબુસર એસ.ટી. ડેપો કાવી રીંગ રોડ તા.જંબુસર જિ.ભરૂચ ની ધરપકડ કરવામાં આવી છે અને ધરપકડનો આંક કુલ 10 પર પહોંચ્યો છે.

આ ઘર્માંતરણ મામલામાં આરોપીઓ દ્વારા એકત્ર કરેલ અંદાજીત ફંડ રૂ.૧૪,૦૦,૦૦૦/- ની રકમ પૈકીની રૂ.૭,૦૦,૦૦૦/- જેટલી રકમ રીજવાન દ્વારા બહેરીન (વિદેશ) ખાતેના ઈસ્માઈલ નામના ઈસમ પાસેથી બેંક ટુ બેંક રકમ મેળવવામાં આવી છે તથા અન્ય રકમ અલગ-અલગ મુસ્લિમ સંપ્રદાયના નાગરીકો પાસેથી જકાતના ભાગરૂપે મેળવેલી છે.

જેમાં મુખ્ય આરોપી પૈકીના અઝીઝે 14 લાખના ખર્ચે ઇબાદતગાહ બનાવ્યું હતું. આ ઇબાદતગાહ સરકારી પરવાનગી વગર બેહરિન અને સ્થાનિક ફાળા દ્વારા બનાવવામાં આવ્યું હતું. કુલ 14.5 લાખ ૩પિયા મેળવી રકમનો ઉપયોગ ઇબાદ્તગાહ સાથે ધર્માતરણની લાલચ માટે કરાયો હતો. આ તરક જંબુસરની મસ્જિદમાં નમાઝ પઢાવનાર એયુબ નામના શખ્શની ધરપકડ કરવામાં આવી છે.આરોપી દ્વારા લાલય આપી નમાઝ પઢાવવામાં આવતી હતી.

તો વડોદરાના આફમી ચેરીટેબલ ટ્રસ્ટ માંથી ગેરકાયદેસર રકમ મેળવાય હોવાનો ખુલાસો થયો છે. હાલમાં તો પોલીસે પાલેજના રિઝવાન પટેલ, પાટણના સમી તાલુકાના યાકુબ, કોન્ટ્રકટર ઇમરાન, જંબુસરના ઐયુબ પટેલ, આછોદના બૈતુલમાલ ટ્રસ્ટના હોદ્દેદારોમાં બે ટ્રસ્ટીઓની ધરપકડ કરી કાયદેસરની કાર્યવાહી હાથ ધરી છે.

•પિતાનું અવસાન થતાં ત્રણવ પુત્રીઓએ મુખાગ્નિ આપી દીકરાની ગરજ સારી હતી.

•નાની દીકરીના લગ્નની સુખની ઘડીએ પિતાનું દુઃખદ અવસાન થયું .

વાલિયા તાલુકાના ગીઝરમ ગામના વતની જશવંતસિંહ માંગરોલાનું લાંબી નાદુરસ્ત તબિયતના કારણે મૃત્યુ થતાં તેની ત્રણ પુત્રીઓએ સ્મશાન વિધિમાં ભાગ લઈ બાપની લાડકી દીકરીઓએ અંતિમ સંસ્કાર વિધિમાં જોડાય મુખાગ્ની આપી પુત્રની ગરજ સારી હતી અને સાથે સમાજમાં એક ઉદાહરણ રૂપ ઉત્તમ દ્રષ્ટાંત પૂરું પાડ્યું હતું.

વાલિયાના જેસપોર હાઈસ્કૂલના નિવૃત આચાર્ય જશવંતસિંહ માંગરોલાને સંતાનમાં ત્રણ દીકરીઓ કોમલ,રોશની અને ડો. શિવાની છે .જેમાં ડો.શિવાનીના લગ્ન બારડોલી નિવાસી ડો.વૈભવસિંહ બળવંતસિંહ પરમાર સાથે તારીખ 14.12.2021 ના રોજ નિર્ધાર્યા હતા. આ સુખનાં પ્રસંગે પિતા જસવંતસિંહની નાંદુરસ્ત તબિયત હોય દીકરી શિવાનીના લગ્નની વિદાય પહેલા પિતાનો સ્વર્ગવાસ થઈ ગયો હતો પરંતુ પિતાની ઇચ્છા હતી કે મારું મૃત્યુ થાય તો પણ લગ્ન મોકૂફ રાખશો નહીં.
સગાવહાલા અને સ્નેહીઓ મક્કમ મને સવારે દીકરીના લગ્ન ટૂંકમાં આટોપ્યા હતા .ત્યારબાદ લાડલી દીકરી સાસરે ગઈ અને તરત જ પિતાને અગ્નિદાહ આપવા પરત ફરી ત્રણેવ દીકરીઓએ ભેગા થઈ અગ્નિદાહ આપી પિતાને સાચા અર્થમાં શ્રધ્ધાંજલી આપી હતી.આ શિક્ષિત કુટુંબ રાજપૂત સમાજમાં પ્રેરણારૂપ છે. જેમાં એકબાજુ આનંદનો અવસર હતો બીજી બાજુ દુઃખની ઘડી હતી જેનું રાજપૂત સમાજ ગૌરવ અનુભવે છે.

ઉલ્લેખનીય છે કે, વાલીયા તાલુકાના ગીઝરમ ગામના વતની જશવંતસિંહ માંગરોલા જેસપોર નવચેતન હાઇસ્કુલ ખાતે આચાર્ય દસ વર્ષ રહ્યા બાદ નિવૃત્ત થયા હતા ત્યારબાદ નિવૃત્ત જીવન ગાળતા હતા છેલ્લા ઘણા સમયથી તબિયત નાદુરસ્ત હતી જેથી સૌથી નાની દીકરી ડોક્ટર શિવાનીના લગ્ન ત્વરિત લેવામાં આવ્યા હતા લગ્નના દિવસે જ પિતાનું અવસાન થતા કીમ નદીના કિનારે મેરા ગામના સ્મશાન ખાતે ત્રણેય દીકરીઓએ પિતાની અંતિમવિધિમાં રહી મુખાગ્નિ આપી હતી.

•અતુલ પટેલ,ન્યુઝલાઇન, વાલિયા.

ભરૂચ આપ યુથ વિંગના પ્રમુખ અભિલેશ ગોહિલ અને આપ યુથ વિંગના કાર્યકર્તા હોદ્દેદારો દ્વારા આજે જિલ્લા કલેકટરને હેડ કલાર્કની પરીક્ષામાં થયેલ ગેરરીતીના કસુરવારોને સજા તેમજ આગામી પરીક્ષાઓમાં સુચારૂ આયોજન અને પારદર્શીતા જાળવવાની અપીલ સાથે એક આવેદન પાઠવાયું હતું.

ભરૂચ આપ યુથ વિંગ દ્વારા અપાયેલ આવેદનમાં ઉલ્લેખાયું છે કે, ગુજરાત સરકારમાં ખાલી પડલી વિવિધ જગ્યાઓ પર સરકાર દ્વારા સમયાંતરે પરીક્ષાઓ લઈને વિવિધ ભરતીઓ થાય છે. આ પરીક્ષાઓ સાથે ગુજરાતના ૧૦ થી ૧૫ લાખ વિદ્યાર્થીઓ અને તેમના પરિવારો જોડાયેલા છે. ત્યારે આ પરીક્ષામાં પારદર્શકતા જળવાય એ ખુબ જ જરૂરી છે.

તાજેતરમાં તા:- ૧ર/૧૧/ર૧ ના રોજ લેવાયેલ હેડક્લાર્કની પરીક્ષામાં પણ અગાઉની પરીક્ષાની માફક પેપર લીક થયું હતું. હિંમતનગરના એક ફાર્મ હાઉસમાં ૧૬ જેટલા વિદ્યાર્થીઓ અને ત્યાંથી સોશ્યિલ મીડિયા દ્વારા ભાવનગર,વડોદરા,કચ્છ વગેરે સ્થળોએ પરીક્ષાના બે કલાક અગાઉ પેપર પહોંચ્યું હતું. પેપર લીક થવાની આ પરંપરા ગુજરાતના વિદ્યાર્થીઓ સાથ હળાહળ અન્યાય છે. હજારો રૂપિયા કલાસીસમાં બગાડી અને પોતાનો અમૂલ્ય સમય બગાડીને પોતાનું જીવન સજાવવા માટે મથી રહેલા ગાંધીજીના ગજરાતમાં વિદ્યાર્થીઓ દર પરીક્ષા વખતે એક માનસિક આઘાત અનુભવે છે. આ એક પ્રકાર ની હીંસા જ છે.

હિંમતનગરમાં બનેલી આ ઘટનાની આધારો સાથે રજૂઆત કરવામાં આવી છે. ત્યારે દોષીતો સામે કાર્યવાહી થાય અને અન્ય આવા લોકોને બોધપાઠ મળે તેવી રીતે સરકાર દ્વારા આવા લાકા સામે કાર્યવાહી થાય, દોષીતોને પરીક્ષામાંથી બાકાત કરવામાં આવે અને આ કૌભાંડ સાથે સંકળાયેલા દરેક લોકોની સામે યોગ્ય કાર્યવાહી કરાય તેમજ ભવિષ્યમાં લેવાનારી તમામ સ્પર્ધાત્મક પરીક્ષાની ગોપીનીયતા જળવાય તેવા પ્રકારે આયોજન થાય તેવું ગુજરાતના દરેક વિદ્યાર્થીઓ ઈચ્છી રહ્યા છે.

તાજેતરની પેપર લિકની ઘટનાને જો ગંભીરતાથી નહીં લવાય અને વિધાર્થીઓને યોગ્ય ન્યાય નહીં મળે તો આગામી સમયમાં વિધાર્થીઓએ તેયારી છોડી મેદાનમાં આવવાની ફરજ પડશે. જેની નોંધ લઇ આને સમગ્ર ગુજરાતના વિદ્યાર્થીઓની વેદના સમજી હાલની ઘટના પર અને ભવિષ્યની પરીક્ષોઓને લઈને યોગ્ય કરવા જણાવાયું હતું.સાથે જો તેમ નહીં કરાય તો આપ યુથ વિંગ વિદ્યાર્થીઓને પડખે રહી જરૂર પડ્યે ઉગ્ર આંદોલન પણ કરશેની ચીમકી પણ ઉચ્ચારાઇ હતી.

તારીખ ૧૪-૧૨-૨૦૨૧ ના મંગળવારના રોજ મોક્ષદા એકાદશી અને ગીતા જયંતિ હોય ભરૂચ પાંજરાપોળ ખાતે ગીતા જયંતિના લક્ષ માં રાખી ભરૂચ ના સંત સ્વામી મુક્તાનંદજી “આધુનિક સમય માં મહાગ્રંથ ગીતા નું મહત્વ ” એ વિષય પર પ્રવચન આપ્યું હતું. સાથે ગૌ પૂજન અને ગૌ સેવા ગૌ દર્શન નો કાર્યક્રમ પણ રખાયો હતો.

આ કાર્યક્રમ માં ભરૂચ પાંજરાપોળ ના મુખ્ય ટ્રસ્ટી બિપીનભાઈ ભટ્ટ,મહેન્દ્ર પંડયા, કૌશિક મહારાજ, નિરંજનભાઈ ભાટિયા, પંડ્યા સાહેબ,હેમંતભાઈ જાદવ અને શ્રીમતી વૈશાલીબેન જાદવ તથા મોટી સંખ્યામાં ભક્તો હાજર રહ્યા હતા.