ભરૂચના એક ગામના બે બાળકોની માતાને એક યુવાને લગ્નની લાલચ આપી શારીરિક સબંધ રાખ્યા હતા. જે બાદ બે બાળકોની માતા ગર્ભવતી થતા તેને યુવાને તરછોડતા તે મુશ્કેલીમાં મુકાઇ ગઈ હતી.આ પિડિત મહિલાએ અભયમ 181 મહિલા હેલ્પ લાઇનમા કોલ કરી પોતાની વ્યથા રજૂ કરી હતી. જેથી ભરૂચ અભયમ રેસ્ક્યુ ટીમએ બને ને સાથે રાખી અસરકારક કાઉન્સિલિંગ કરતા યુવકે લગ્ન કરવાનું સ્વીકારતા મહીલાને રાહત પહોંચી છે.

આ ઘટનામાં ભરૂચ પાસેના ગામની બે બાળકોની માતાને તેના પતિએ તરછોડી હતી. મહિલા બે બાળકોની જવાબદારી લઇ ભરૂચ ખાતે છેલ્લા ૧૦ વર્ષથી એકલી રહેતી હતી.જ્યાં તેની એક યુવક સાથે મિત્રતા થઈ હતી. સમય જતા યુવકે પ્રેમિકા અને બે બાળકોની માતાની હકિકત જાણી તેના બાળકો સહિત તેને અપનાવશે અને લગ્ન પણ કરશે આમ જણાવતા બંન્નેવ પતિ પત્નીની જેમ રહેતા હતા. બાદમાં પ્રેમિકા મહિલા ગર્ભવતી થતા જ હવે યુવક સાથે રહેતો નથી અને લગ્ન કરવાની પણ ના પાડે છે. જેથી તેણી મુશ્કેલી મા મુકાતા અભ્યમની મદદ માગી હતી.

અભયમ ટીમે તેઓને કાયદાકીય માહિતી આપતા જણાવ્યું હતુ કે, હયાત પતિ હોય તો બીજા લગ્ન ના કરી શકાય આ માટે તમારે કાયદેસર છૂટાછેડા લેવા પડે. આ ઉપરાંત બે બાળકની માતા સાથે અપરણિત યુવક લગ્ન કરવા નહિ પરંતુ શારીરિક સબંધ માટે મિત્રતા કેળવતા હોય આ તમારે ધ્યાનમા રાખવું જોઇએ. મહિલાએ પોતાની ભૂલ કબૂલી હતી અને આવી મુશ્કેલ પરિસ્થિતિ માથી બહાર કાઢવા મદદ માટે વિનંતી કરી હતી.

અભયમ ટીમે યુવક ને જણાવેલ કે લગ્નની લાલચ આપી શારીરિક શોષણ કરવું તે ગુનો બને છે. જેથી તારી સામે કાયદેસર કાર્યવાહી થશે. યુવકે લેખિતમા આ ભૂલ બદલ માફી માગી હતી અને તે મહિલાને અપનાવશે તેવી ખાતરી આપી હતી. આથી મહીલા દ્વારા આગળ કોઈ કાયૅવાહી ના કરવી હોય બંને વચ્ચે સમાધાન કરાવવામાં આવ્યું હતું.

• ભારતીય વિચાર મંચ ગુજરાત દ્વારા થયેલું આયોજન

ભારતીય વિચાર મંચ, ગુજરાત દ્વારા “ભારતનો સ્વાતંત્રતા સંગ્રામ અને સમકાલીન પડકારો” વિષય પર રસપ્રદ વેબીનારનું  આયોજન આજે  કરવામાં આવ્યું હતું.જેમાં મુખ્ય વક્તા તરીકે ઓર્ગેનાઈનઝર વિકલીના સંપાદક પ્રફુલ કેતકરે પોતાનું મનનીય વક્તવ્ય આપ્યું હતું.

કેતકરે વક્તવ્યના પ્રારંભે નેતાજી સુભાષચંદ્ર બોઝની ૧૨૫મી  જન્મજયંતિ “પરાક્રમ દિવસ” પર શ્રદ્ધાંજલી આપી હતી. તેમણે જણાવ્યું હતું કે ભારતે સ્વતંત્રતા સંગ્રામની લડાઈ માં પોતાની ઓળખાણ ગુમાવી નહી.ભારતને રાષ્ટ્રીયતા આપવાનો ખોટો દાવો અંગ્રેજો વર્ષો સુધી કરતા હતા.

ભારત વર્ષો થી એક રાષ્ટ્ર જ હતું. ડાબેરી વિચારધારાના લોકો પણ અંગ્રેજોના સુર માં સુર મિલાવી ભારતને એક રાષ્ટ્ર તરીકે ગણતા ના હતા. કેતકરે જણાવ્યુ હતુ કે ભારતની સ્વતંત્રતા માટેની લડાઈ કોઈ એક રાજકીય પક્ષ દ્વારા લડાઈ રહી હતી તેવી છબી ઉભી કરવામાં આવી હતી જ્યારે આ લડાઈ ભારતના વિભિન્ન સ્થળે, વિભિન્ન લોકો,સમુદાયો દ્વારા પણ લડાઈ રહી હતી.

તેમણે જણાવ્યું કે ભારતની બ્રિટિશ શાસન સામે થયેલી બહુઆયામી સ્વાંત્રતાની લડાઈનો આપણે નવા સમયમાં પુનઃ અભ્યાસ કરવાની આવશ્યકતા છે.અંગ્રેજોએ ભારતના *સ્વ* ને મીટાવવાના અનેક પ્રયાસ કર્યા. ભારતના જનજાતિ સમાજને ભારતના અન્ય સમાજથી અલગ કરવાના અનેક પ્રયાસ કર્યા જેમકે ફોરેસ્ટ એક્ટ લાગુ કર્યો, અનેક હત્યાઓ કરી જનજાતિ સમાજને હાંસિયામાં ધકેલવાનો પ્રયાસ કર્યો જેમાં અંગ્રેજોનો પરાજય થયો.

પ્રફુલ કેતકરના ઉત્કૃષ્ટ વક્તવ્ય બાદ ઝૂમ અને યુ ટ્યુબ ચેનલ પર દેશ વિદેશથી જોડાયેલા પ્રબુદ્ધજનો સાથે વિચાર વિમર્શ થયો હતો.ભારતના સ્વતંત્રતા સંગ્રામ વિશે પૂછાયેલા તમામ પ્રશ્નોનો સમાધાનકારક જવાબો તેમણે આપ્યા હતા.સમગ્ર વેબિનારનું સંચાલન શ્રી જવનિલએ કર્યું હતું.આભારવિધિ ડૉ શિરીષ કાશીકરે કરી હતી.

આ વેબીનારમાં ભારતના અનેક શહેરના વિવિધ ક્ષેત્રોના અગ્રણીઓ, ઉદ્યોગ જગતના અગ્રણીઓ, સામાજિક સંસ્થાના અગ્રણીઓ અને શહેરના  પ્રબુદ્ધજનો બહોળી સંખ્યામાં  ઉપસ્થિત રહ્યા હતા.

• ભરૂચ ક્રાઇમ બ્રાન્ચનું સફળ ઓપરેશન

ભરૂચ જીલ્લા પોલીસ અધિક્ષક રાજેન્દ્રસિહ ચુડાસમા તરફથી જીલ્લાના નાસતા-ફરતા આરોપીઓ ઝડપી પાડવા અસરકારક કાર્યવાહી કરવા સુચના આપેલ હોય જે અનુસંધાને ભરૂચ એલ.સી.બી ના પોલીસ અધિકારીઓ તથા કર્મચારીઓ દ્વારા પ્રયત્નો હાથ ધરવામા આવ્યા છે.

દરમ્યાન તા-૨૪/૦૧/૨૦૨૨ ના રોજ ભરૂચ એલ.સી.બીની ટીમ ઝઘડીયા-રાજપારડી વિસ્તારમા પટ્રોલીંગમા હતી દરમ્યાન બાતમી હકીકત મળેલ કે, ઝઘડીયા પોલીસ મથકમા ગત તા-૦૪/૦૫/૨૦૨૧ ના રોજ ગેરકાયદેસર રીતે દારૂની હેરા-ફેરી અંગેનો ગુનો નોંધવામાં આવેલ જે ગુનામા સંડોવાયેલ આરોપી અજીત ઉર્ફે લાલો મગનભાઇ વસાવા છેલ્લા આઠ માસથી નાસતો-ફરતો આરોપી રાજપારડી ચોકડી ખાતે હોવાની મળેલ હકીકત આધારે એલ.સી.બી ટીમે વોચમા રહી નાસતા-ફરતા આરોપી અજીત ઉર્ફે લાલો મગનભાઇ વસાવા રહે- જુના માલજીપુરા તા-ઝઘડીયા જી-ભરૂચ ને રાજપારડી ખાતેથી ઝડપી પાડી કાયદેસર કાર્યવાહી કરી તેને રાજપારડી પોલીસ મથકમા સોંપવામાં આવેલ છે.