હોળી પર્વે પ્રવાસીઓની ભીડ વધવાની શક્યતાએ એક બાજુ SOU સત્તામંડળ પ્રવસીઓને સુવિધા પુરી પાડવા તૈયારી કરી રહી છે ત્યારે બીજી તરફ પ્રવસીઓને ચા નાસ્તો અને ભોજન પૂરું પડતા કેવડિયાનો ફૂડકોર્ટ કોન્ટ્રાક્ટરના ભાડું વિવાદને લઈને બંધ થઇ ગયું હવે આવનારા પ્રવાસીઓ અટવાઈ રહ્યા હતા ત્યારે પ્રવાસીઓની માંગ પણ વધી હતી કે આ એકતા ફૂડ કોર્ટ ચાલુ કરવામાં આવે.
પરંતુ આ વિવાદનો અંત સ્ટેચ્યુ ઓફ યુનિટી સત્તા વિકાસ મંડળ દ્વારા સુખદ લાવવામાં આવ્યો કે જે બંધ દુકાનો છે તેની બહારની જગ્યાઓ પર સેલ્ફ હૅલ્ફ ગ્રુપની મહિલાઓ દ્વારા ટ્રાઇબલ ફૂડ આપવામાં આવે છે એવી ચારથી પાંચ કેફેટેરિયા આ મહિલાઓ ચલાવે છે. તો આ એકતા ફૂડ કોર્ટ આ બહેનોને આપવામાં આવે તો અન્ય સ્થાનિક મહિલાઓને રોજગારી મળે. આમ આવક સાથે રોજગારી અને પ્રવાસીઓને સાત્વિક ભોજન મળે એવી વ્યવસ્થાને સૌ કોઈ આવકારી સોમવારના રોજ જાહેર રજા છે ત્યારે મંગળવારથી એકતા ફોડકોર્ટને કેવડિયાની સ્થાનિક મહિલાઓ સાંભળી લેશે.
આ અંગે SOUના PRO રાહુલ પટેલે જણાવ્યું કે એકતા ફૂડ કોર્ટને મંગળવારથી ચાલુ કરવાનો નિર્ણય લેવાયો છે. એકબાજુ સ્થાનિક મહિલાઓને રોજગારી સાથે પ્રવાસીઓને શુદ્ધ સાત્વિક ભોજન નાસ્તો મળી રહે એ માટે અમારી સ્વસહાય જૂથની મહિલાઓ આ ભોજન બનાવી પ્રવાસીઓને પીરસશે. આમ ફૂડ કોર્ટમાં મહિલાઓ કામગીરી કરીને પ્રવાસીઓની જરૂરી મુજબનું ભોજન બનાવી અપાશે. હોળી પર આવનારા પ્રવાસીઓને લાભ મળશે.
