દેડીયાપાડા ના કણજી ગામ પાસે ગઈ કાલ સાંજે 8 કલાકની આસપાસ દેવનદીના કોઝવે પર આવેલ ભારે પાણીમાં વાંદરી ગામની એક 8 વર્ષની બાળકી તણાઈ જતા ગ્રામજનો અને તંત્ર દ્વારા શોધખોળ જારી છે, હજુ સુધી બાળકીનો કોઈ પતો નથી.
તારીખ 11/6/2022 દેડીયાપાડા ના પૂર્વ પટ્ટીના અંતરિયાળ વિસ્તારોમાં ગઈ કાલે મુસળધાર વરસાદ વરસતા વાંદરી ગામના વસાવા જીગ્નેશભાઈ મીરાભાઈ ની પુત્રી મમતાબેન ઉમર વર્ષ 8 તથા પત્ની શીલાબેન સાથે વાંદરી ગામે પરત જઈ રહ્યા હતા, તે દરમિયાન દેવનદીના કોઝવે નાળા પરથી પસાર થતા હતા, ત્યાંરે ઉપરવાસમાં ભારે વરસાદ થી નદીમાં અચાનક વધારે પાણીનો પ્રવાહ આવતા તેમની પુત્રી મમતાબેન વસાવા ઉમર વર્ષ 8 નદી પ્રવાહમાં તણાઈ જતા ગ્રામજનો અને તંત્ર દ્વારા શોધખોળ કરવામાં આવેલ છે પરંતુ હજુ સુધી બાળકીનો કોઈ પતો લાગેલ નથી.
- રિપોર્ટર: સર્જન વસાવા,ન્યુઝલાઇન,દેડીયાપાડા (નર્મદા)
