• ભરૂચ સિવિલ હોસ્પિટલ ખાતેથી રેલી કાઢી વિરોધ નોંધાવ્યો

ભરૂચ જિલ્લામાં વિવિધ પડતર માંગણીઓ નહીં સ્વીકારમાં આવતા સરકારી તબીબોની હડતાળ ત્રીજા દિવસે પણ યથાવત જોવા મળી હતી.

ગુજરાત ગવર્મેન્ટ ડોક્ટર્સ ફોરમના નેજા હેઠળ સરકારી તબીબો પોતાની પડતર માંગણીઓનું નિરાકરણ નહિ આવતા ગત તારીખ-4થી એપ્રિલથી હડતાળ  પર ઉતર્યા છે જે હડતાળમાં ભરૂચ જિલ્લાના વર્ગ 1 અને 2ના 90 તબીબો પણ જોડાયા છે ભરૂચ જિલ્લાના પ્રાથમિક તેમજ સામુહિક આરોગ્ય કેન્દ્રો, સિવિલ હોસ્પિટલ, જિલ્લા પંચાયતમાં ફરજ બજાવતા તમામ સરકારી તબીબો એન.પી.એનની 2017થી ચુકવણી,પ્રમોશન સહીત 18 માંગણીઓ સ્વીકાર નહિ આવતા વિરોધ નોંધાવ્યો હતો.

આજરોજ  ત્રીજા દિવસે તબીબોએ સિવિલ હોસ્પિટલ ખાતેથી રેલી કાઢી હતી અને વિરોધ કર્યો હતો. તબીબોની હડતાલને લઈ જિલ્લામાં આરોગ્યની સેવાઓ,ઓપીડી, પોસ્ટમોર્ટમ, ઇમરજન્સી સેવાઓ ખોરવાઈ છે જેને પગલે દર્દીઓ હાલાકી વેઠવાનો વારો આવ્યો છે.