ભરૂચ જીલ્લા પોલીસ અધિક્ષક રાજેન્દ્રસિંહ ચુડાસમાનાઓ તરફથી જીલ્લામા દારૂ/જુગારની ગેરકાયદેસરની પ્રવુતી અટકાવવા સારૂ તથા જીલ્લામા થતી દારૂની ગેરકાયદેસર રીતે હેરફેર અટકાવવા સારૂ વોચ રાખી અસરકારક કાર્યવાહી કરવા સુચના આપેલ હતી.
જે અનુસંધાને ભરૂચ લોકલ ક્રાઇમ બ્રાંચ ની અલગ અલગ ટીમોની રચના કરવામા આવેલ. તે પૈકી ભરૂચ એલ.સી.બી.ની એક ટીમ ભરૂચ શહેરમાં પેટ્રોલીંગમાં હતી. તે દરમ્યાન મળેલ ચોક્કસ બાતમી આધારે મહાદેવનગર ખાતેથી વિદેશી દારૂ, સહીત કુલ મુદ્દામાલ કિ.રૂ. ૪૯,૨૦૦/- સાથે એક આરોપી પ્રશાંત ઉર્ફે પીટુ સુરેશભાઇ પટેલ રહે.૮૧, મહાદેવનગર જ્યોતીનગરની પાછળ તા.જી.ભરૂચને ઝડપી પાડી કાયદેસર કાર્યવાહી કરી આગળની તપાસ માટે ભરૂચ શહેર સી ડીવીઝન પો.સ્ટે.માં સોંપવામાં આવેલ છે.જ્યારે ધ્રુવ ઉર્ફે જીનુ નીલેષભાઇ પટેલ રહે.મહાદેવનગર જ્યોતીનગરની પાછળ તા.જી.ભરૂચ,જીગ્નેશ ઉર્ફે જીગો પરીખ રહે.અંક્લેશ્વર તા.જી.ભરૂચને વોન્ટેડ જાહેર કરી તેમની શોધ આરંભી છે.
