આમોદ તાલુકાના તેગવા ગામે પાટીદાર સમાજ દ્વારા સમાજની એકતા જળવાઈ રહે તેવા શુભ આશયથી યુવાનો માટે ક્રિકેટ ટુર્નામેન્ટ તથા મહિલાઓ માટે ખોખો ટુર્નામેટ યોજવામાં આવી હતી જેમાં મોટી સંખ્યમાં યુવાન યુવતીઓ તેમજ મહિલાઓએ ભાગ લીધો હતો.
ક્રિકેટ ટુર્નામેટમાં આમોદ અને ભરથાણા વચ્ચે ફાઇનલ મેચ યોજાઈ હતી.જેમાં આમોદની ટીમ વિજેતા બની હતી તેમજ ભરથાણાની ટીમ રનર્સ અપ રહી હતી.પાટીદાર સમાજની બહેનો માટે પણ ખોખો ટુર્નામેટ યોજાઈ હતી.જેમાં ૧૫ થી ૬૫ વર્ષની મહિલાઓએ ઉત્સાહભેર ભાગ લીધો હતો. ખોખો ની ૨૧ ટીમોના મુકાબલા વચ્ચે દાંદા અને કવિઠા વચ્ચે રમાયેલી ટુર્નામેન્ટમાં દાંદા ની ટીમ વિજેતા બની હતી.
*વિનોદ પરમાર,ન્યુઝલાઇન,આમોદ
