કોરોના મહામારી ધ્યાને લઈ સરકાર દ્વારા ઠેર ઠેર આર ટી પી સી આર અને રેપીડ ટેસ્ટ મફત સરકારી હોસ્પિટલોમાં કરવામાં આવી રહ્યાં છે. જે અંતર્ગત જંબુસર રેફરલ હોસ્પિટલ ખાતે પણ સુવિધા ઉપલબ્ધ કરવામાં આવી છે. જેનો જાહેર જનતાને લાભ લેવા અપીલ કરાઈ
કોરોના મહામારીએ લોકોને હચમચાવી મૂક્યા હતા.લોકો ભયના ઓથાર હેઠળ જીવન જીવી રહ્યા હતાંહાલ કોરોના કેસોની સંખ્યામાં નોંધપાત્ર ઘટાડો જોવા મળી રહ્યો છે તેમ છતાંય જનતાએ બેદરકારી રાખવી નહીં જાહેર સ્થળોએ મોઢે માસ્ક તથા સેનિટાઈઝરનો ઉપયોગ કરવો હિતાવહ છે.સરકારે પણ કૉવિડઅંતર્ગત RTPCR અને રેપિડ ટેસ્ટિંગ અલગ અલગ સ્થળોએ વિનામૂલ્યે કરવાની સવલત પૂરી પાડી છે.જે અંતર્ગત જંબુસર રેફરલ હોસ્પિટલ ખાતે પણ RTPCR લેબની વિનામૂલ્યે સુવિધા ઉપલબ્ધ કરવામાં આવી છે તેનો પ્રારંભ કરવામાં આવ્યો છે.જેનો જંબુસર તાલુકા સહિત આમોદ વાગરા ની જનતા પણ લાભ લઈ રહી છે. તો જંબુસર તાલુકાની જાહેર જનતાને જો કોઈ પણ લક્ષણ જણાય તો તુરંત જ જંબુસર રેફરલ હોસ્પિટલ ખાતે આવી નિશુલ્ક RTPCR ટેસ્ટ કરાવવા નોડલ ઓફિસર જ્યોતિ વસાવા દ્વારા અપીલ કરવામાં આવી હતી.
- કલ્પેશ નારીયેળવાલા, ન્યુઝલાઇન, જંબુસર
