- મેદાનમાં પૂર્વ રાજ્યપાલ અને 9 મંત્રી
ઉત્તરપ્રદેશ વિધાનસભા ચૂંટણીના પહેલા તબક્કા માટે 10 ફેબ્રુઆરીને ગુરુવારે મતદાન કરાશે. પહેલાં તબક્કામાં પશ્ચિમી ઉત્તર પ્રદેશમાં મતદાન થશે. 11 જિલ્લાની 58 સીટો પર ગુરુવારે સવારે સાત વાગ્યાથી મતદાન શરૂ થશે જે સાંજે છ વાગ્યા સુધી ચાલશે. પહેલાં તબક્કામાં શામલી, મુઝફ્ફરનગર, બાગપત, મેરઠ, ગાઝિયાબાદ, હાપુડ, ગૌતમબુદ્ધ નગર, બુલંદશહર, અલીગઢ, મથુરા અને આગરામાં મતદાન થવાનું છે. 2.27 કરોડ મતદાતાઓ આ તબક્કામાં મતદાન કરશે. આ તબક્કામાં કુલ 623 ઉમેદવારો છે.
સૌથી વધારે મથુરામાં 15 ઉમેદવાર છે. તેમાં 73 મહિલાઓ છે. આ ઉપરાંત 9 મંત્રી પણ રાજકીય દંગલમાં છે. પ્રથમ તબક્કામાં કુલ 2.27 કરોડ વોટર્સ છે. તેમાં પુરૂષ 1.27 કરો અને મહિલાઓ 1 કરોડ છે. 2017ની ચૂંટણીમાં આ 58 સીટોમાંથી ભાજપાએ 53 સીટો પર જીત પ્રાપ્ત કરી હતી. જ્યારે સપા-બસપાએ 2-2 અને રાલોદ માત્ર એક સીટ જીતી શકી હતી. આ વખતે પશ્ચિમ યુપીમાં સપા-રાલોદે ગઠબંધન કર્યુ છે. સપાએ 28 અને રાલોદે 29 સીટો પર ઉમેદવારો ઉતાર્યા છે. એક સીટ અનૂપશહર NCPને આપી છે. ત્યાં કે કે શર્મા ચૂંટણી મેદાનમાં છે. ભાજપા, કોંગ્રેસ અને બસપા બધી 58 સીટો પર એકલાહાથે ચૂંટણી લડી રહી છે. એવું મનાય છે કે વોટિંગના પ્રથમ તબક્કાના વલણ જ બાકીના વલણ નક્કી કરે છે, એવામાં પશ્ચિમ યુપીની ચૂંટણી અત્યંત મહત્વપૂર્ણ છે.ચૂંટણી પંચે મતદાન સંબંધિત તમામ તૈયારીઓ પૂરી કરી લીધી છે. વોટિંગ દરમિયાન સુરક્ષા બંદોબસ્ત ચુસ્ત રાખવા માટે ચૂંટણી પંચે કેન્દ્રીય સુરક્ષા દળોની 796 કંપનીઓ તહેનાત કરી છે. જ્યારે નોઈડામાં પોલીસની ટીમ ડ્રોન કેમેરાથી બૂથો પર નજર રાખશે.
જે 58 સીટો પર મતદાન થવાનું છે તે છે- કૈરાના, થાના ભવન, શામલી, બુઢાના, ચર્થવાલ, પુરકાજી, મુઝફ્ફરનગર, ખતૌલી, મીરાપુર, સીવાલખાસ, સરધના, હસ્તિનાપુર, કિઠોર, મેરઠ કેન્ટ, મેરઠ દક્ષિણ, છપરૌલી, બડૌત, બાગપત, લોની, મુરાદાનગર, સાહિબાબાદ, ગાઝિયાબાદ, મોદીનગર, ઘૌલાના, હાપુડ, ગઢમુક્તેશ્વર, નોયડા, દાદરી, જેવર, સિકન્દરાબાદ, બુલંદશહર, સ્યાના, અનુપશહર, ડિબોઈ, શિકારપુર, ખુર્જા, ખૈર, બરૌલી, અતરૌલી, છર્રાસ કોલ, અલીગઢ, ઈગ્લાસ, છાતા, માંટ, ગોવર્ધન, મથુરા, બળદેવ, એત્માદપુર, આગરા કેન્ટ, આગરા દક્ષિણ, આગરા ઉત્તર, આગરા ગ્રામીણ, ફતેહપુર સિકરી, ખૈરાગઢ, ફતેહાબાદ અને બાહ.
