હાંસોટ માં કાંટા સાયણ ગામ ખાતે ઈશ્વર ગુમાન પટેલ નામના શિક્ષક ની ઈશ્વર નું નામ ધારણ કરી દાનવ ની પ્રવુતિ ની પોલ 11 વર્ષીય દીકરી ગત રોજ ઉજાગર કરી હતી. દીકરી તુલ્ય શિષ્ય જોડે ગુરુ એ અડપલાં રૂપી કૃત્ય ને લઇ ચારેકોર ફિટકાર વરસી રહી છે. આ વચ્ચે બાળકી ના પિતા ની ફરિયાદ માં અન્ય બાળકી જોડે પણ આવી હરકત શિક્ષકે કરી હોવાની વિગતો સપાટી એ આવતા પોલીસ દ્વારા શાળા ની વધુ ચાર જેટલી બાળકી ના નિવેદન લીધા હતા. જેમાં બાળકી ઓનો વિશ્વાસ સંપાદન કરી પોલીસ દ્વારા પૂછપરછ કરતા પોલીસ પણ ચોંકી ઉઠી હતી બાળકી ઓ ને મોબાઈલ માં અશ્લીલ વીડિયો બતાવી શારીરિક અડપલાં શિક્ષક કરતો હોવાની હકીકત સામે આવી હતી.
પોલીસે બાળકી ના નિવેદન નોંધ્યા હતા તો અને વાલી તેમજ શાળા શિક્ષકો ના પણ નિવેદન નોંધ્યા હતા. ગત રોજ કોરોના ટેસ્ટ કરાવ્યા બાદ આરોપીઓને કોર્ટમાં પોલીસ એ રજૂ કરતા ઈશ્વર ગુમાન પટેલ ને સબ જેલ ભેગા કરવાનો હુકમ કર્યો હતો. આ ઉપરાંત પોલીસે આરોપી ના મોબાઈલ પણ જપ્ત કર્યો હતો અને સાયન્ટિફિક તપાસ માટે એફ.એસ.એલ માં પણ મોકલી આપવામાં આવ્યો હતો.
