આમોદ-જંબુસર રોડ ઉપર બત્રીસી નાળા પાસે કેમિકલ વેસ્ટની થેલીઓ જોવા મળતા પર્યાવરણ પ્રેમીઓમાં રોષ જોવા મળી રહ્યો છે.મંગણાદ પાસે આવેલી સેફ એનવાયરમેન્ટ કંપનીમાં લઇ જવાતો કચરો ટ્રકોમાં ઓવરલોડ ભરીને લઈ જવામાં આવે છે.જે નેશનલ હાઇવે ઉપર મસમોટા ખાડાને કારણે હાલક ડોલક થઈને જતી ટ્રકો માંથી કેમિકલ વેસ્ટના પ્લાસ્ટિકના મીણીયામાં બાંધેલો હોય છે.
જે કેમિકલ વેસ્ટની થેલીઓ ગમે ત્યાં પડી જતી હોય લોકોના સ્વાસ્થય જોખમ ઉભું થયું છે તેમજ જાહેર રસ્તો હોય મૂંગા પશુઓ પણ થેલામાં મોઢું મારતાં હોય પશુપ્રેમીઓ પણ ચિંતિત બન્યા છે.કેમિકલ વેસ્ટનો ઢગલામાંથી અત્યંત ખરાબ દુર્ગંધ આવતાં લોકોમાં આક્રોશ ફેલાયો છે.
ઔધોગિક એકમોનો કેમિકલ વેસ્ટ મંગણાદ પાસે આવેલી સેફ એનવાયરમેન્ટ કંપનીમાં નાશ કરવામાં આવે છે.જે કચરો ભરીને જતી ટ્રકો આમોદથી પસાર થતી હોય અનેક વખત કેમિકલ વેસ્ટના ઢગલા જાહેર રોડ ઉપર પડી જતાં હોય લોકોમાં રોષ જોવા મળી રહ્યો છે. ત્યારે જંબુસર વિધાનસભાના આમ આદમી પાર્ટીના આગેવાન સાજીદ રેહાને જો કેમિકલ વેસ્ટનો યોગ્ય નિકાલ કરવામાં નહીં આવે તો કંપની સામે હલ્લા બોલ કરવાની ચીમકી ઉચ્ચારી છે.
- રિપોર્ટર : વિનોદ પરમાર,ન્યુઝલાઇન,આમોદ