ભરૂચ બી.આર.સી ભવન ખાતે ધોરણ ૬ થી ૧૧ ના છાત્રો ની “પુસ્તક વાચક સ્પર્ધા” યોજવામાં આવી હતી.જેમાં ભરૂચ તાલુકાના દયાદરા ગામની કન્યા શાળા ની વિદ્યાર્થીની પટેલ ગુલિસ્તાંબાનું હબીબ બોરડીવાલા એ સમગ્ર ભરૂચ જિલ્લામાં ધોરણ-૬ ની પુસ્તક વાચક સ્પર્ધામાં પ્રથમ ક્રમાંક પ્રાપ્ત કરી દયાદરા કન્યા શાળા સહિત દયાદરા ગામનું ગૌરવ વધાર્યું છે.
અત્રે નોંધનીય છે કે આગામી સમયમાં ધો-૬ ની રાજ્યકક્ષાએ યોજાનાર વાંચન સ્પર્ધામાં સમગ્ર ભરૂચ જિલ્લાનું પ્રતિનિધિત્વ પટેલ ગુલિસ્તાંબાનું બોરડીવાલા કરશે.ગુલિસ્તાંબાનું ની સિદ્ધિ ને દયાદરા કન્યાશાળા પરિવાર,એસ.એમ.સી.પરિવાર તેમજ ભરૂચ કલેકટરે બિરદાવી રાજ્ય કક્ષાએ પણ ગુલિસ્તાં જલવંત સફળતા પ્રાપ્ત કરે તેવી શુભકામનાઓ પાઠવી હતી.