ભરૂચમાં શંભુ ડેરી સામે આવેલ વરસાદી કાંસમાં એક ગાય ખાબકતા કરાઇ રેશ્ક્યુ

0
79

ભરૂચ નગરમાં ખુલ્લા કાંસો પશુઓ સહિત માણસો માટે પણ જીવલેણ બની રહ્યા છે ત્યારે ભરૂચના શક્તિનાથ લિંક રોડ પર શંભુ ડેરીની સામે રોડની સાઇડ પર આવેલ એક તૂટેલ વરસાદી કાંસમાં એક ગાય ખાબકવાની ઘટના ઘટી હતી. જેની સ્થાનિકો દ્વારા નગરપાલિકા ફાયર ફાયટરોને ફોન કરી જાણ કરવામાં આવી હતી.

ગાય ખાબકી હોવાનો કોલ મળતા જ પાલિકાના ફાયર ફાયટરો સહિત ગૌરક્ષકો પણ તાત્કાલિક ઘટનાસ્થળે દોડી આવ્યા હતા. તેમણે કાંસનો સ્લેબ તોડી, સળિયા કાપીને ભારે જહેમત બાદ રેસ્કયુ કરી ગાય ને હેમખેમ બહાર કાઢી હતી.નોંધનીય છે કે, ભરૂચ શહેરમાં ગત ચોમાસામાં તૂટેલી કાસો અને ખુલ્લી ગટરોમાં માણસોના પડી જવાના બનાવો સામે

આવ્યા હતા ત્યારે ફરી એક વખત આવનાર ચોમાસાને ધ્યાને રાખી નગરપાલિકા દ્વારા આ તૂટેલા કાંસ અને ખુલ્લી ગટરો નું વહેલી તકે સમારકામ કરે તેવી લોકમાંગ ઉઠવા પામી છે.

LEAVE A REPLY

Please enter your comment!
Please enter your name here