રાજપીપળાના તિલકવાડાના વઘેલી ગામે સીમમાં કેટલાક શખ્સો જુગાર રમતા હોય જે બાબતની તિલકવાડા પોલીસને માહિતી મળતા પોલીસ ટીમે વધેલી ગામે જઈને રેડ કરતા જુગાર રમતા જુગારીઓમાં નાસભાગ મચી હતી. જેમાં તિલકવાડા રામપુરી ના દાઉદખાન બસીરખાન ઘોરી, વાઘેલી ગામના રમેશ કાલીદાસ બારીયા, અને હર્ષદ દલસુખ તડવીઆ ત્રણ શખ્સો પોલીસના હાથે ઝડપાઇ ગયા હતા.

જયારે તિલકવાડાના ખાટાઆસિત્રા ગામના ઇશ્વર અભેસીંગ બારીયા, વાઘેલીના કાંતી મનોર તડવી, કાળુભાઇ તથા તિલકવાડાના સોહીલ યાકુબ આરબ ભાગી જતા પોલીસે તેમને વોન્ટેડ જાહેર કર્યા અને જે લોકો ઝડપાયા છે તેમની પાસેથી અંગ ઝડતીમાં રોકડા 21,200 તથા દાવ ઉપરના 2,520 મળી મોબાઇલ, બાઈકો સહીત કુલ 1, 03,720 રૂપિયાનો મુદ્દામાલ કબ્જે કરીને જુગારધારાની કલામ હેઠળ ગુનો નોંધી તપાસ હાથ ધરી છે.