આમોદ તાલુકાની ત્રણ પ્રાથમિક શાળામાં આજ રોજ સવારે શાળાના બાળકોને વડોદરાની સંસ્થા તરફથી શિક્ષણ કીટ વિતરણનો કાર્યક્રમ રાખવામાં આવ્યો હતો.આ પ્રસંગે શાળાના બાળકો,શિક્ષકગણ,સ્કૂલ મેનેજમેન્ટ કમિટીના સભ્યો તેમજ ગામલોકો મોટી સંખ્યામાં ઉપસ્થિત રહ્યાં હતાં.

આમોદ તાલુકાની દોરા પ્રાથમિક શાળામાં આજ રોજ સવારે વડોદરાની આઝાદ યુથ કાઉન્સિલ સંસ્થાના ચેરમેન દિલીપસિંહ ગોહિલ બાપુ દ્વારા તેગવા,ભીમપુરા અને શ્રી કોઠી પ્રા. શાળામાં શાળામાં અભ્યાસ કરતાં ગરીબ બાળકોને ૪૦૦ થી વધુ અભ્યાસલક્ષી કીટનું વિતરણ કરવામાં આવ્યું હતું.જેમાં દફતર,ચોપડા,કંપાસ,વોટર બેગ સહિતની વસ્તુઓનું વિના મૂલ્યે વિતરણ કરવામાં આવ્યું હતું.બાળકોને શિક્ષણ કીટ મળતા આનંદવિભોર બની ગયા હતાં.શાળા પરિવાર, સરપંચ તેમજ ગામના આગેવાનો તરફથી આઝાદ યુથ કાઉન્સિલના દિલીપસિંહ ગોહિલ બાપુ,રોનકભાઈ ચૌહાણ,બળદેવભાઈ પટેલ, જશુભાઈ પટેલ,જીજ્ઞેશભાઈ ચૌધરીનું પુષ્પગુચ્છ આપી સન્માન કરવામાં આવ્યું હતું.

  • વિનોદ પરમાર,ન્યુઝલાઇન,આમોદ

LEAVE A REPLY

Please enter your comment!
Please enter your name here