આજ રોજ BTP ના આગેવાન અને જીલ્લા પંચાયતના પૂર્વ કારોબારી અધ્યક્ષ બહાદુર વસાવા ની આગેવાનીમાં રાજ્યપાલ ને ઉદ્દેશી લખાયેલ આવેદન પત્ર દેડીયાપાડા ખાતે પ્રાંત અધિકારીને અપાયું હતું.
ભારતીય ટ્રાઈબલ પાર્ટી ના આગેવાન અને સામાજીક કાર્યકર તેમજ 100 જેટલી સહીઓ સાથે આપેલા આવેદનપત્રમાં જણાવ્યું હતું કે દેડીયાપાડા સહિત આસપાસ ના વિસ્તારોમા જીલ્લા પંચાયત સદસ્ય હિતેશ વસાવા ઉર્ફે ભોલા સહિત તેનો પરીવાર પિતા દીવાલ છેડળ વસાવા તેની બે પત્નીઓ જીગ્નેશ દીવાલ વસાવાનાઓ દેડીયાપાડા ના થાણા ફડિયા, પારસી ટેકરા, નવી નગરી, હાટ ચોકડી, વૈકુંઠ ફળિયા સહિત ના વિસ્તારોમા 100 જેટલાં યુવાનો પણ જોડાયા છે અને દારૂ નો વેપલો કરી રહ્યા છે, નવા ગામ રોડ પર ડુપ્લીકેટ દારૂ ના કોઠા ખુલ્લેઆમ ચાલી રહયા છે, ડેડિયાપાડા અને સાગબારા માં જૂગાર આંકડા ના અડ્ડાઓ પણ ચલાવે છે.
વધુમાં આવેદન પત્ર માં જણાવ્યા અનુસાર દીવાલ અને તેના પરીવાર ઉપર અને ફરિયાદો નોંધાઈ છે, દીવાલ ની પાસા હેઠળ પોલીસ દ્વારા અટકાયત પણ કરી હતી, પરંતું બેરોકટોક પણે ફરી દારૂ જુગારનો વેપલો ચાલી રહ્યો છે. સમગ્ર વિસ્તારમાં ડુપ્લીકેટ દારૂ વેચાતો હોય ને લોકો મરી રહ્યા છે, અનેક વિસ્તારોમાં માત્ર વિધવા આદિવાસી સ્ત્રીઓ જોવા મળે છે તયારે આવા તત્વો ઉપર લગામ લગાવી કાયદેસર ની કાર્યવાહી કરવામાં આવે એવી માંગ કરવામા આવી છે.
જોકે આ સમગ્ર મામલે નર્મદા જિલ્લા પંચાયતની દેડીયાપાડા બેઠક ભાજપના સભ્ય હિતેશ વસાવાએ જણાવ્યું હતું કે બી.ટી.પી દેડીયાપાડા બેઠક પર હાર જોઈ ગઇ છે.બી.ટી.પી દ્વારા મારી વિરુદ્ધનું આવેદનપત્ર આપવાનો ઉદ્દેશ્ય માત્રને માત્ર મારી રાજકીય કારકિર્દી બગાડવાનો પ્રયાસ માત્ર છે. હું ખુલ્લી ચેલેન્જ આપુ છું, રાજ્યના કોઈ પણ અઘિકારી દેડીયાપાડામાં આવીને તપાસ કરી જુઓ, જો કોઈ પણ જાતની ગેરકાયદેસર કામગીરીમાં મારું અથવા મારા પરીવાર નું નામ બહાર આવશે તો હું રાજકારણ છોડી દઈશ.
- રિપોર્ટર: સર્જન વસાવા,ન્યુઝલાઇન,દેડીયાપાડા (નર્મદા)