- 276 જેટલા કનેક્શન નું ચેકિંગ હાથ ધરાયું
આજરોજ ડિજીવીસીએલ કંપનીના અંકલેશ્વર વિભાગીય કચેરીના કાર્યપાલક ઈજનેર તથા વડી કચેરીથી ગોઠવવામાં આવેલ ચેકીંગ ડ્રાઈવમાં કુલ સાત ટીમોએ વાલિયા સબ ડિવિઝનના તાબ હેઠળ આવતા જબુગામ, મેરા, ભરાડીયા, મોખડી, ગામોમાં ચેકિંગ હાથ ધર્યું હતું.
જેમાં આશરે 276 જેટલા કનેક્શનનું ચેકીંગ હાથ ધરાતા, મેરા ગામના ગણેશ સુગર સંઘર્ષ સમિતિના આગેવાન અને ભારતીય જનતા કિસાન સેલના ઉપપ્રમુખ નટવરસિંહ છત્રસિંહ સોલંકી, ગૌરાંગસિંહ ખુમાનસિંહ સોલંકી, ભરતસિંહ છત્રસિંહ સોલંકી, અર્જુનસિંહ ચીમનભાઈ સોલંકી તથા અન્ય વીજ ગ્રાહકો વીજ ચોરી કરતા રંગે હાથે ઝડપાઇ ગયા હતા. ડીજીવીસીએલ એ આજે આશરે 2 લાખ 60 હજાર જેટલાની વીજ ચોરી ઝડપી પાડી હતી.