નેત્રંગ તાલુકામાં આવેલા એક આશ્રમમાં વિદ્યાર્થીની સાથે શારીરિક અડપલાં કર્યાનો આક્ષેપ સામે આવતાં ચકચાર મચી ગઈ હતી. આશ્રમમાં વિદ્યાર્થીની સાથે અડપલાં કરવામાં આવ્યાનો આક્ષેપ છે.
પ્રાપ્ત વિગતો મુજબ, આશ્રમમાં આવેલા સમયે વિદ્યાર્થીની સાથે આરોપી વસંતભાઈ અભેશિંગભાઈ વસાવાએ અડપલાં કર્યા હોવાનો આક્ષેપ કરવામાં આવ્યો છે. ઘટના બાદ વિદ્યાર્થીનીએ સમગ્ર બાબતની જાણ આશ્રમના શિક્ષકોને કરતાં મામલો સામે આવ્યો હતો.વિદ્યાર્થીની પાસેથી હકીકત જાણ્યા બાદ શિક્ષકોએ પોલીસને જાણ કરતાં નેત્રંગ પોલીસે તાત્કાલિક કાર્યવાહી હાથ ધરી વસંતભાઈ અભેશિંગભાઈ વસાવાને ઝડપી પાડ્યો હતો. પોલીસે આરોપીને કસ્ટડીમાં લઈ આગળની કાયદેસરની કાર્યવાહી હાથ ધરી હતી.
પોલીસ કાર્યવાહી પૂર્ણ થયા બાદ આરોપીને જેલ હવાલે કરવામાં આવ્યો હતો. સમગ્ર બનાવ અંગે પોલીસે વધુ તપાસ હાથ ધરી છે. ઘટના સંદર્ભે પોલીસ દ્વારા વિદ્યાર્થીની અને સંબંધિત વ્યક્તિઓના નિવેદનો સહિતની કાર્યવાહી કરવામાં આવી રહી છે.
