વિધાનસભાની ચૂંટણીમાં મતદારોને રિઝવવા માટે દારૂની રેલમછેલ થવાની શક્યતાઓને લઇને ભરૂચ એસ.પી ડો. લીના પાટીલ દ્વારા જિલ્લામાં દારૂબંધીની ચુસ્ત અમલવારી માટેની સુચના આપવામાં આવી છે.
જેથી એલસીબી પીઆઇના માર્ગદર્શન હેઠળ પીએસઆઇ તેમજ તેમની ટીમના હેડ કોન્ટેબલ સહિતના કર્મીઓ સાથે નેત્રંગ ચોકડી પાસે વોચ ગોઠવી એક ટેમ્પો અને પાયલોટીંગ કરનાર બાઇકને ઝડપી હતી.
જેમાં પોલીસ ટીમને ટેમ્પોમાં બનાવેલાં ચોરખાનામાં કુલ 4.83 લાખની મત્તાનો વિદેશીદારૂ સંતાડેલો મળી આવ્યો હતો. ટીમે દારૂની હેરાફેરી કરનાર સોયેબ ઇલ્યાસ પટેલ (રહે. શેરપુરા, ભીખી સ્ટ્રીટ, ભરૂચ) , પ્રથમેશ અશોક ચૌહાણ ( દહીસર, મુંબઇ) તેમજ જેસિંગ ધનુ વસાવા ઉમરપાડા, સુરત એમ ૩ આરોપીઓને ઝડપી પાડી કુલ 10.20 લાખનો મુદ્દામાલ જપ્ત કરી આગળની કાર્યવાહી આરંભી છે.
