ભરૂચ-દહેજ રોડ ઉપર ગત મોડી સાંજે પુર ઝડપે આવતા એક ટેન્કરે ટર્ન મારી ઉભેલ બાઇકને ટકકર મારતા બાઇક પર પાછળ બેઠેલ મહિલાનું કરૂણ મોત નીપજ્યું હતું. જ્યારે ચાલકને નાની મોટી ઇજાઓ પહોંચી હતી.આ ઘટના અંગે પોલીસે વધુ તપાસ હાથધરી છે.
અકસ્માતના આ બનાવમાં ગત મોડી સાંજે ભરૂચ-દહેજ રોડ ઉપર ફરહાન યુનુશ દુધવાલા વોરા પટેલ તેનાં ફુવા ઇબ્રાહીમ વરેડીયાવાલા નાઓની હોન્ડા સ્પ્લેન્ડર મોટર સાયકલ નં. GJ 16 DD 2863 ની લઈ તેમના કુટુંબી ભાભી રીઝવાનાબાનુ ઇમરાન મુસા પટેલ ઉં.વ. ૩૪ રહે. દહેગામ રેહમત બંગ્લોઝ, ભરૂચ નાઓ સાથે ભરૂચ કામ અર્થે ગયા હતા.
તેઓ ભરૂચથી પરત દહેગામ ગામે ઉપરોકત મોટર સાયકલ ઉપર આવતા હતાં ત્યારે દહેગામ ગામનાં સ્ટેન્ડ નજીક રોડ ઉપર ગામમાં જવા માટે ટર્ન લઈ ઉભેલ હતા તે વખતે તેમના પાછળથી એક ટેન્કર ચાલક તેનું ટેન્કર પુર ઝડપે હંકારી લાવી બાઇકને ટક્કર મારતાં તેઓને સામાન્ય તથા પાછળ બેસેલ રીઝવાનાબાનુને ગંભીર ઇજાઓ પહોંચાડતા બંન્નેવને ભરૂચ પટેલ વેલ્ફેર હોસ્પીટલની એમ્બ્યુલન્સની વાનમાં ભરૂચ સીવીલ હોસ્પીટલમાં લવાતા હાજર તબીબે તપાસ કરી મરણ જાહેર કર્યા હતા.
આ ઘટનામાં ભરૂચ તાલુકા પોલીસ દ્વારા ટેન્કર નંબર GJ 06 AV 6355 ના ચાલકે બાઇક નં. GJ 16 DD 2863 ને ટક્કર મારી મોટર સાયકલ પાછળ બેસેલ રીઝવાનાબાનુને ગંભીર ઇજાઓ પહોંચાડી મોત નિપજાવી અને ફરિયાદીને પણ સાધારણ ઇજા પહોંચાડી ગુનો કરેલ હોય તેના વિરૂદ્ધ ફરીયાદ દાખલ કરી આ અંગે કાર્યવાહી કરવામાં આવી રહી છે.
