ગઇ કાલ તા.૦૨/૦૩/૨૦૨૨ ના રોજ બપોરના ફરીયાદી તથા ભોગબનનાર બહેન એકટીવા લઇને રોંઢ ગામે ટપાલ આપવા જતા હતા તે વખતે ભોગબનનાર બહેનની અગાઉ સગાઇ થઇ હતી તે નયન પટેલ તેના સાગરીતો સાથે મારૂતી અલ્ટો ફોરવ્હીલ કારમાં આવી એકટીવાને આંતરી, બળજબરી પુર્વક એકટીવની ચાવી કાઢી લઇ ફરીયાદી બહેનને ધક્કો મારી નીચે પાડી દઇ તેના સાગરીતોની મદદથી ભોગબનનાર બહેનને અલ્ટો કારમાં બેસાડી અપહરણ કરી નાસી ગયેલ જે બાબતે આમોદ પોલીસ સ્ટેશન ખાતે ઇ.પી.કો.ની સંલગ્ન કલમ મુજબ ગુનો રજીસ્ટર કરવામાં આવેલ.
આ ગુન્હાની ગંભીરતા સમજી પોલીસ અધિક્ષક ડો.લીના પાટીલે આ અપહરણ થયેલ ભોગબનનાર બહેનને અપહરણ કર્તાઓની ચુંગાલમાંથી તાત્કાલીક છોડાવવા નાયબ પોલીસ અધિક્ષક પી.એલ.ચૌધરી જબુંસર ડીવીઝન તથા પોલીસ ઇન્સ્પેકટર એલ.સી.બી., એસ.ઓ.જી.શાખાની અલગ અલગ ટીમો બનાવી, રૂટ ઉપરના ફુટેજ ચેક કરવા તથા ટેકનિકલ સર્વેલન્સ તેમજ હ્યુમન ઇન્ટેલિજન્સ મારફતે આરોપીઓને સત્વરે ઝડપી પાડવા સુચના અને માર્ગદર્શન આપવામાં આવેલ.
દરમ્યાન ટેકનિકલ સર્વેલન્સ તેમજ હ્યુમન ઇન્ટેલિજન્સ આધારે ચોકકસ હકિકત મળેલ કે આ આરોપીઓ ભોગબનનાર બહેનનું અપહરણ કરી સૌરાષ્ટ્ર તરફ જાય છે.જેથી તાત્કાલીક એક ટીમને તપાસમાં મોકલી તપાસમાં ગયેલ ટીમ દ્વારા આરોપીઓને અમદાવાદ જીલ્લાના બગોદરા નજીક અરણેજ ગામ પાસે હાઇવે ઉપરથી ઝડપી પાડી ભોગ બનનાર બહેનને ગણતરીના કલાકોમાં સુરક્ષિત છોડવવામાં સફળતા મેળવી છે.
પોલીસે આ કામે પકડાયેલ આરોપીઓ (૧) નયનકુમાર નિતીનભાઇ પટેલ રહે-જેઠોલી ગામ સત્યકેવલ મંદિર ફળીયું તા.બાલાશિનોર જી.મહીસાગર,(૨) ધ્રવલકુમાર નિતીનભાઇ પટેલ રહે-જેઠોલી ગામ સત્યકેવલ મંદિર ફળીયું તા.બાલાશિનોર જી.મહીસાગર,(૩) રૂત્વલકુમાર રજનીકાંત પટેલ રહે-જેઠોલી ગામ સત્યકેવલ મંદિર ફળીયું તા.બાલાશિનોર જી.મહીસાગર,(૪) સ્મિતકુમાર ઉર્ફે ચિન્ટુ નિલેશભાઇ પટેલ રહે-સાકરીયા ગામ પટેલ ફળીયું તા.બાલાશિનોર જી.મહીસાગર,(૫) તરંગભાઇ અલ્પેશભાઇ પટેલ રહે-સાકરીયા ગામ પટેલ ફળીયું તા.બાલાશિનોર જી.મહીસાગરને વધુ તપાસ માટે આમોદ પોલીસ મથકે સોંપ્યા છે.