ભરૂચ નગરપાલિકાની ખુલ્લી જગ્યા પર ફાટાતળાવ શોપીંગ સેન્ટરના દુકાનધારકો દ્વારા કરાયેલા ગેરકાયદેસરના તમામ દબાણો આજે પાલિકા દ્વારા દુર કરવા કવાયત હાથધરાઇ હતી.
છેલ્લા લાંબા સમયથી ભરૂચ શહેરમાં ખુલ્લી જગ્યા તેમજ જાહેર માર્ગની બંન્નેવ તરફ લારી-ગલ્લાવાળાઓ,દુકાનધારકો દ્વારા દબાણો કરાયા હોવાની બુમો ઉઠવા પામી હતી. જે અન્વયે પાલિકા દબાણ શાખા હરકતમાં આવતા આજરોજ ભરૂચના ફાટાતળાવ સ્થીત પાલિકાના તાબા હેઠળની ખુલ્લી જ્ગ્યા ઉપરના તમામ દબાણો દુર કરવામાં આવ્યા હતા. અચાનક દબાણો દુર કરાતા ગેરકાયદેસર દબાણ કરનારાઓમાં ભાગદોડ મચી હતી. અને સૌ પોતે કરેલા દબાણો હટાવવા લાગી ગયા હતા.
