ભરૂચના ધારાસભ્ય સહિત ગુજરાતના 25 MP અને MLA દેવભૂમિ ઉત્તરાખંડમાં હિમવર્ષા વચ્ચે બિલકુલ સુરક્ષિત

0
250
  • ભરૂચના દુષ્યંત પટેલને જે અલ્મોરા વિધાનસભા મત વિસ્તારની પ્રચારની કમાન સોપાઈ છે ત્યાં 11 મી એ વડાપ્રધાન નરેન્દ્ર મોદી ચૂંટણી સભા સાબોધશે

પાંચ રાજ્યોની વિધાનસભા ચૂંટણીમાં ભાજપ દ્વારા પ્રચાર પડઘમ જોરશોરમાં ચાલી રહ્યાં છે. દેવભૂમિ ઉત્તરાખંડમાં પણ ચૂંટણીને લઈ ભરૂચના ધારાસભ્ય દુષ્યંત પટેલ સહિત ગુજરાતના 25 સાંસદ અને MLA ને પ્રચારની જવાબદારી સોપાઈ છે. ગુજરાત વિધાનસભાના ઉપદંડક અને ભરૂચ MLA દુષ્યંત પટેલ રાજ્યના અન્ય 25 ધારાસભ્ય અને સાંસદ સાથે 6 ફેબ્રુઆરીથી ઉત્તરાખંડના પ્રવાસે ચૂંટણી પ્રચારમાં વ્યસ્ત બન્યાં છે.

ભરૂચ MLA દુષ્યંત પટેલને અલ્મોરા, જાગેશ્વર અને સોલ્ટ એમ ત્રણ વિધાનસભા મત વિસ્તારમાં ચૂંટણી પ્રચારની કામગીરી સોપાઈ છે. અલ્મોરા ઉત્તરાખંડમાં ખૂબ જ ઉંચાઈએ આવેલું હિલી સ્ટેશન છે. બુધવારે સવારે તેઓ બિનસરથી જાગેશ્વર પ્રચાર માટે જઇ રહ્યાં હતાં. જોકે ખરાબ વાતાવરણમાં પ્રારંભે વરસાદ બાદ હિમવર્ષા શરૂ થઈ ગઈ હતી. ઉંચાઈ ઉપર હિલી પહાડોમાં હિમવર્ષા અને ઠેર ઠેર બરફના જામેલા થર વચ્ચે આગળ વધવાનું પ્રતિકૂળ મોસમમાં કઠિન બન્યું હતું. જેથી ભરૂચના ધારાસભ્ય એ ફેસબુક ઉપર પોતાનો વિડીયો બનાવી અપલોડ કર્યો હતો. જેમાં હાલના વેધરની માહિતી આપી તેમણે કહ્યું હતું કે, બરફવર્ષા અને પ્રતિકૂળ મોસમ તેમજ વિસ્તારમાં પણ ભાજપના ગુજરાતના ધારાસભ્યો ચૂંટણી પ્રચાર અને પોતાની કામગીરી બજાવી રહ્યાં છે.

જોકે તેઓએ આ વીડિયો અપલોડ કર્યા બાદ ભરૂચ સહિત સમગ્ર ગુજરાતમાં વાયુ વેગે ન્યૂઝ અને પોસ્ટ વાયરલ થવા લાગી હતી. ઉત્તરાખંડમાં પ્રચાર અર્થે ગયેલા ભાજપના 25 ધારાસભ્યો અને સાંસદ હિમવર્ષામાં ફસાયા. ભરૂચના ધારાસભ્યને આ અંગે જાણ થતાં તેઓએ ફરી પોતાની હોટલ ઉપર આવી વધુ એક વિડીયો ફેસબુક ઉપર મુક્યો હતો. જેમાં જણાવ્યું હતું કે, હું અને સાથી તમામ ધારાસભ્યો તેમજ સાંસદ સભ્યો બિલકુલ સુરક્ષિત છે અને કોઈ ફસાયું નથી.

 

તેઓએ અગાઉનો વિડીયો માત્ર ઉત્તરાખંડમાં થઈ રહેલી હિમવર્ષાનો ખ્યાલ આપવા અને ભાજપ આવી સ્થિતિમાં પ્રચાર પ્રસાર કરી રહી હોવા અંગે લોકોને વાકેફ કરવા મુક્યો હતો. તેમની સાથે તમેના પી.એ. રાકેશ પટેલ અને અન્ય સ્ટાફ પણ બિલકુલ સેફ હોવાનું કહ્યું હતું. ગુજરાતના અન્ય ધારાસભ્યો અને સાંસદ ઉત્તરાખંડની બીજી વિધાનસભાઓમાં અલગ અલગ વિસ્તારોમાં પ્રચાર-પ્રસાર કરી રહ્યાં છે. ગત 6 ફેબ્રુઆરીથી ગુજરાતના MP અને MLA દેવભૂમિમાં ચૂંટણી પ્રચાર માટે આવ્યા છે. જેઓ 12 મી એ પરત ગુજરાત ફરશે.

LEAVE A REPLY

Please enter your comment!
Please enter your name here