ભરૂચના પાનોલી જીઆઈડીસીની ઈન્ફિનિટી રિસર્ચ એન્ડ ડેવલોપમેન્ટ કંપની માંથી ૫૧૩ કિલો એમડી ડ્રગ્સ ઝપડી પાડવામાં આવ્યું છે.આ ડ્રગ્સની આંતરરાષ્ટ્રીય કિંમત રૂ.૧,૦૨૬ કરોડ આંકવામાં આવી છે.સમગ્ર કાર્યવાહીમાં એક મહિલા સહિત સાત લોકોની અટકાયત કરવામાં આવી હોવાની માહિતી મળી રહી છે.
મુંબઈના એન્ટી નાર્કેટિક સેલના વર્લિ યુનિટ દ્વારા ભરૂચ જીલ્લાની અંકલેશ્વર ઔદ્યોગિક વસાહત નજીક આવેલી પાનોલી જીઆઈડીસીમાં આવેલી ઈન્ફિનિટી રિસર્ચ એન્ડ ડેવલોપમેન્ટ કંપનીમાં રેડ કરવામાં આવી છે.આ કાર્યવાહીમાં તપાસ એજન્સીઓએ ૫૧૩ કિલો એમડી ડ્રગ્સનો જથ્થો પકડી પાડયો છે. ડાયઝ અને ડાય ઈન્ટરમીડિયેટના નામે ૫ વર્ષ પહેલાં ખોલેલી રૂપિયા ૪૪૨ લાખની કંપની માંથી રૂપિયા ૧૦૨૬ કરોડનું MD ડ્રગ્સ ઝડપાયું છે. તપાસ એજન્સી દ્વારા આ ડ્રગ્સ ક્યાં મોકલવામાં આવનાર હતું, ક્યારથી ડ્રગ્સનું નેટવર્ક ચાલે છે, તે અંગે માહિતી મેળવવા માટે તપાસનો ધમધમાટ શરૂ કર્યો છે.