ભરૂચ જિલ્લાના જંબુસર પંથકમાં સગીર બાળકી સાથે દુષ્કર્મ આચર્યાની ફરિયાદ નોંધાતા ચકચાર મચી છે. કાવી પોલીસ મથકે નોંધાયેલી ફરિયાદ મુજબ, આશરે ૧૧ વર્ષ અને ૧૦ માસની બાળકી સાથે દુષ્કર્મ આચરવામાં આવ્યું હોવાનો આક્ષેપ કરવામાં આવ્યો છે.
પોલીસ ફરિયાદમાં જણાવ્યા અનુસાર, આ બનાવ ૧૬ ઓક્ટોબર ૨૦૨૬ના રોજ બપોરે આશરે ૧:૩૦ વાગ્યાથી ૨૭ ઓક્ટોબર ૨૦૨૬ના રોજ બપોરે ૧:૩૦ વાગ્યા સુધીના સમયગાળા દરમિયાન બન્યો હોવાનું નોંધાયું છે. ફરિયાદમાં આરોપી સામે બાળકી સાથે બળજબરીપૂર્વક દુષ્કર્મ આચરવાનો તેમજ આ અંગે કોઈને જાણ કરવામાં આવે તો જાનથી મારી નાખવાની ધમકી આપવાનો આક્ષેપ કરવામાં આવ્યો છે.
આ મામલે કાવી પોલીસ મથકે ૨૭ ઓક્ટોબર ૨૦૨૬ના રોજ રાત્રે આશરે ૮:૪૫ વાગ્યે ફરિયાદના આધારે ભારતીય ન્યાય સંહિતા (BNS) તથા પોક્સો એક્ટની સંબંધિત કલમો હેઠળ ગુનો નોંધવામાં આવ્યો છે.
પોલીસ દસ્તાવેજમાં દર્શાવ્યા મુજબ, સંબંધિત પોલીસ અધિકારીઓને તપાસ સોંપવામાં આવી છે. હવે આ ગંભીર મામલે પોલીસ તપાસ દરમિયાન વધુ વિગતો બહાર આવે તેવી શક્યતા છે.
