દેડીયાપાડા પોલીસ ને બાતમી મળેલ કે દેડીયાપાડા થાણા ફળીયુ, હાટ બજાર ચોકડી પાસે રહેતા નિતેશભાઇ ગંભીરભાઇ વસાવા કે જે દેડીયાપાડા થાણા કળીયુ હાટબજાર ચોકડી પાસે આવેલ કાચા ઝુંપડામાં વરલી મટકાના આંક ફરકના આંકડાઓ લખી લખાવી પૈસા વડે હારજીતનો જુગાર રમી રમાડે છે.
જે બાતમી આધારે દેડીયાપાડા પોલીસ ટીમે બાતમીવાળી જગ્યાએ પંચો સાથે છાપો મારતા તે જગ્યાએથી નિતેશભાઇ ગંભીર ભાઇ વસાવા ઉં.વ.૨૫ રહે,દેડીયાપાડા,થાણાફળીયુ તા.દેડીયાપાડા જી.નર્મદારાયસિંગભાઇ કાલીયા ભાઇ વસાવા ઉં.વ.૪૩ રહે.બેસણા, નિશાળ ફળીયું તા. દેડીયાપાડા જી.નર્મદા, દશરથભાઇ સિગાભાઇ વસાવા ઉ.વ.૩૭ રહે.પાટવલી, પટેલફળીયુ તા.દેડીયાપાડા જી.નર્મદા, મુકેશભાઇ રાયસિંગભાઇ વસાવા ઉ.વ.૨૭ રહે. નાના સુકાઆંબા, મંદિરફળીયુ તા.દેડીયાપાડા જી.નર્મદા, રાજેશભાઇ દિવલીયાભાઇ વસાવા ઉ.વ.૩૩ રહે.કંકાલા, ઉપલુફળીયુ તા.દેડીયાપાડા જી.નર્મદા તથા વિક્રમભાઇ ભુટીયાભાઇ વસાવા ઉં.વ.૨૬ રહે.પીપલખુંટા તા.અક્લકુવા જી.નંદુરબાર(મહારાષ્ટ્ર)ના ઝડપાયા હતા.
પોલીસ ટીમે દેડીયાપાડા,હાટબજાર ચોકડી પાસે આવેલ કાચા ઝુંપડામાંથી આ ખેલીઓ પાસે વરલી મટકાના આંક ફરકના આંકડાઓ લખી લખાવી પૈસા વડે હારજીતનો જુગાર રમી રમાડી આંકડા લખેલ સ્લીપ બુક નંગ-૧ તથા એક બોલપેન તથા એક કાર્બન પેપરનો ટુક્કો તથા તેમની અંગ ઝડતીના રોકડા રૂ.૧૦,૪૩૦/- કબ્જે કરી ઝડપાયેલા ૩ ખેલીઓ વિરૂધ જુગાર ધારા કલમ-૧૨(અ) મુજબ ગુનો નોંધી આગળની વધુ તપાસ હાથ ધરેલ છે.
- સર્જન વસાવા,ન્યુઝલાઇન,દેડીયાપાડા