અંકલેશ્વર: રૂ.૨૦,૩૦,૪૦૦ના વિદેશી દારૂના જથ્થા સાથે કન્ટેનર ઝડપાયું, ૧ ની અટક, બે વોન્ટેડ

• અંકલેશ્વર શહેર પોલીસનું સફળ ઓપરેશન

અંકલેશ્વર શહેર પોલીસ મથકના કર્મીઓને મળેલ બાતમીના આધારે ને.હા ૪૮ ઉપર વોચમાં હતા દરમિયાન સુરતથી વડોદરા તરફ જતા કન્ટેનર નંબર GJ.1.CV.2522 ને રોકી તેની તલાશી લેતા તેમાં વિદેશી શરાબનો મસમોટો જથ્થો નજરે પડતા પોલીસે કન્ટેનરમાં સવાર ચાલક લક્ષ્મણ રૂખમણારામ ચૌધરી ઉ.વ.૨૬ રહે- સોનાણીયો કા તલા,બિજરાડ,તા.ચોહટન જી.બાડમેર (રાજસ્થાન)ની ધરપકડ કરી હતી.

અંકલેશ્વર નેશનલ હાઈવે ૪૮ પર મુલદથી નર્મદા ટોલટેક્ષ તરફ આવતા કન્ટેનરમાં કુલ ૫૦૭૬ જેટલા બોક્ષમાં વિદેશી શરાબનો જથ્થો મૂકી વહન કરી વડોદરા તરફ થઇ રાજકોટ લઈ જતા સમયે પોલીસ વિભાગ દ્વારા આ જથ્થો ઝડપી પાડવામાં આવ્યો છે.

શહેર પોલીસે ઝડપાયેલ કન્ટેનરમાંથી વિદેશી દારૂ ની જુદીજુદી બ્રાન્ડના કુલ પુઠ્ઠાના ૪૨૩ બોક્ષમાં કુલ -૫૦૭૬ નંગ બોટલ જેની કુલ કી.રૂ.૨૦,૩૦,૪૦૦/- તથા અંગઝડતી માંથી મળી આવેલ મોબાઇલ ફોન નંગ-૦૧ જેની કી.રૂ.૨૦૦૦/- તથા કન્ટેનર નંબર GJ-01-CV-2522 ની કી.રૂ.૧૦,૦૦,૦૦૦/- ગણી કુલ કી.રૂ. ૩૦,૩૨,૪૦૦/- ના મુદ્દામાલ સાથે લક્ષ્મણ રૂખમણારામ ચૌધરી ઉ.વ.૨૬ ને ઝડપી તેની પુછતાછ કરતા આ દારૂનો જથ્થો રાજકોટ મોકલનાર ગેનારામ અર્જુનરામ બેનીવાલ રહે,રતાસર તા.ચૌહટન જી.બાડમેર (રાજસ્થાન) અને વિદેશી દારૂ રાજ્કોટ મંગાવનાર ઇસમ ને વોન્ટેડ જાહેર કરી તેમની શોધ આરંભવા સાથે વધુ કાર્યવાહી આરંભી હતી.