- રાજ્ય-કેન્દ્ર સરકારની યોજનાનો વિશે માર્ગદર્શન આપ્યું
નેત્રંગ તાલુકાના અંતરિયાળ ગામોને જોડતા રસ્તાઓ બિસ્માર બની જતા રિકાર્પેટિંગ કરવાની કામગીરીનું ખાતમુહૂર્ત ભરૂચ લોકસભાના સાંસદ મનસુખભાઇ વસાવાના હસ્તે કરવામાં આવ્યું હતું.
જેમાં કામલીયા થી ચીખલી રિકાર્પેટિંગ ડામર રસ્તો,ક્વચીયાથી ભાંગોરીયા રિકાર્પેટિંગ ડામર રસ્તો, કોયલીમાંડવીથી હાથાકુંડી રિકાર્પેટિંગ ડામર રસ્તો,પિંગોટથી ખાંબી ડામર રસ્તો, વાથી મંડાળા રિકાર્પેટિંગ ડામર રસ્તો,તાડકંપની થી બામલ્લા કંપની રિકાર્પેટિંગ ડામર રસ્તો,આટખોલ-કંબોડીયાથી રમણપુરા રિકાર્પેટિંગ ડામર રસ્તો,ગાલીબાથી વાલપોર રિકાર્પેટિંગ ડામર રસ્તો, ઢેબાર રિકાર્પેટિંગ ડામર રસ્તો,કોલીવાડાથી કોટીયામાઉ ડામર રસ્તો જેવા વિવિધ ૬ કરોડ ૬૪ લાખના રસ્તાનું ખાતમુહૂર્ત કરવામાં આવ્યું હતું. જેમાં ગામે-ગામના નવા ચુંટણીયેલ સરપંચો-સભ્યોએ સાંસદ મનસુખભાઇ વસાવાનું ઉષ્માભેર સ્વાગત કર્યું હતું. જ્યારે સાંસદે રાજ્ય-કેન્દ્ર સરકારની યોજનાનો વિશે માર્ગદર્શન આપી છેવાડા ગામના લાભાર્થીઓ લાભ લેવા માટે જણાવ્યું હતું.આ પ્રસંગે સાંસદ મનસુખ વસાવા, ભરૂચ જિલ્લા પંચાયત બાંધકામ સમિતિ ચેરમેન ધર્મેશ મિસ્ત્રી સહિત ભાજપ આગેવાનો અને કાર્યકરો ઉપસ્થીત રહ્યા હતા.
- ઇકરામ શેખ, દિવ્યાંગ મિસ્ત્રી,ન્યુઝલાઇન,નેત્રંગ
