દિવાળી પહેલાં જ ગુજરાતના સામાન્ય પરિવારો માટે ચિંતાજનક સમાચાર સામે આવ્યા છે. ખાદ્યતેલના ભાવમાં અચાનક થયેલા વધારાએ ગૃહિણીઓના Kitchen Budgetને સીધી અસર કરી છે. ખાસ કરીને સિંગતેલ અને કપાસિયા તેલના ભાવમાં નોંધપાત્ર ઉછાળો જોવા મળ્યો છે, જે તહેવારોની સિઝનમાં ખર્ચનું ભારણ વધારી શકે છે.
સિંગતેલના ભાવમાં પ્રતિ ડબ્બે ₹15નો વધારો નોંધાયો છે. આ ભાવ વધારા બાદ સિંગતેલનો એક ડબ્બો જે અગાઉ ₹2970થી ₹3030ની આસપાસ મળતો હતો, તેના ભાવમાં વધારો થયો છે. બીજી તરફ, કપાસિયા તેલના ભાવમાં પ્રતિ ડબ્બે ₹20નો મોટો ઉછાળો આવ્યો છે. કપાસિયા તેલનો પ્રતિ ડબ્બાનો ભાવ ₹2575થી વધીને ₹2625 સુધી પહોંચ્યો છે. આ ભાવવધારો સામાન્ય લોકો માટે મોંઘવારીનો વધુ એક માર સાબિત થયો છે.
