ઝઘડીયા તાલુકાના રાજપારડી પંથકના વિવિધ ગ્રામીણ વિસ્તારોમાં મંગળવારે સાંજના સમયે વીજ કંપનીની ગુજરાત રાજ્યની જી.યુ.વી.એન.એલની વિજીલન્સની ટીમોએ ચેકિંગ હાથધરી કેટલાક ગેરકાયદેસરના જોડાણોમાંથી અંદાજે રૂ.૨૦ લાખની વીજચોરી ઝડપી પાડી છે.જેના પગલે વિજચોરી કરતા તત્વોમાં ફફડાટ ફેલાવા પામ્યો છે.
રાજપારડીના વિવિધ નવા નવા પ્રકારે વીજચોરી કરતા ગ્રાહકોના કેબલો,લંગરીયાઓની સામગ્રી જપ્ત કરીને કાયદેસરની કાર્યવાહી હાથ ધરવામાં આવતા વીજચોરી કરતા તત્વોમાં દોડધામ મચી જવા પામી છે. રાજપારડી પંથકના ગ્રામીણ વિસ્તારોમાં કેટલાક વિજ જોડાણોમાં વિવિધ પ્રકારની નવીનવી તરકીબો વાપરી વીજચોરી કરાતી હોવાનુ વીજ ચેકિંગની ટીમને દેખાઇ આવ્યુ હતું.
જી.યુ.વી.એન.એલ.ની ટીમો દ્વારા વીજચોરી કરતા ગ્રાહકોને અંદાજે ૨૦ લાખ રૂપિયાનો દંડ ફટકારવા આવ્યો હતો ગુજરાત રાજ્યની જી.યુ.વી.એન.એલ.ની ટીમોએ મંગળાવરે સાંજે આકસ્મિક પોલીસ કાફલાના બંદોબસ્ત સાથે વિજ ચેકિંગ હાથ ધરતા વિજચોરી કરતા તત્વોમાં ફફડાટ ફેલાયો હતો.