•પેનલના ૪ સભ્યો વિજેતા, જેમાં આબીદ પટેલને ૧૦૦ ટકા મત મળ્યા
•શુક્રવારે નમાઝ પઢતી વખતે જ હાર્ટ એટેકનો હુમલો આવતા ૫૪ વર્ષીય સરપંચ પદના ઉમેદવાર ઢળી પડતા ગામમાં શોકનું મોજું ફરી વળ્યું હતું
ભરૂચ તાલુકાના બંબુસર ગામે ચૂંટણી પેહલા જ કરુણાંતિકા સર્જાઈ હતી.જેમાં છેલ્લી ૪ ટર્મથી સરપંચ તરીકે બિનહરીફ ચૂંટાઈ આવતા ૫૪ વર્ષીય ઉસ્માન પટેલનું હૃદયરોગના હુમલાથી મૃત્યુ થતા ગામમાં શોકનું મોજું ફરી વળ્યું છે.
જોકે, આજે મતગણતરીમાં મરહુમ સરપંચની પેનલના ચારેય સભ્યો વિજતા જાહેર થયા હતા. જેમાંથી એક સભ્યને તો 100 ટકા મત મળ્યા હતા, પરંતુ ગામમાં સરપંચ પદના ઉમેદવારનું મૃત્યુને લઈ ગામમાં જીતનું જશ્ન નહિ મનાવવાનો નિર્ણય લેવાયો છે.
ભરૂચ તાલુકાના બંબુસર ગામે છેલ્લા ૨૦ વર્ષથી ચૂંટણી યોજાઈ નથી. ગામ લોકો ૪ ટર્મથી ૫૪ વર્ષીય ઉસ્માનભાઈ ઈસપભાઈ પટેલને બિનહરીફ તરીકે ચૂંટતા હતાં અને ગામમાં અનેક વિકાસના કામો પણ તેઓએ કર્યા હતા. જોકે, આ વખતની ગ્રામ પંચાયતની ચૂંટણીમાં અલગ સમીકરણો હતાં. ૨૦ વર્ષ પછી ગામમાં ચૂંટણીનું વાતાવરણ ઉભુ થયુ હતું. સરપંચ પદના ઉમેદવાર તરીકે ઉસ્માનભાઈની સામે સઈદ સુલેમાન વલી પટેલે ઉમેદવારી નોંધાવી હતી.
