- ૪૫ વર્ષીય ઇસમને સીમેન્ટ બ્લોક મારતા મોતને ભેટ્યો
અંકલેશ્વરના અંદાડા ખાતે મોબાઇલ બાબતના ઝઘડામાં એક ૪૫ વર્ષીય ઇસમને સીમેન્ટનો બ્લોક માથામાં મારી દેતાં ગંભીર ઇજાઓના પગલે મોત નિપજ્યાની ઘટના પ્રકાશમાં આવી છે.
અંકલેશ્વરના અંદાડા ગામે સાંજે ૫.૩૦ની આસપાસ શીવ મંદિરની પાછળના ભાગે છુટક મજૂરી કામ કરી ગુજરાન ચલાવતા ૪૫ વર્ષીય ભરત લક્ષમણભાઇ મણવર રહે. જી.એન.એફ.સી. તળાવની પાળ પાસે આવેલ નહેર નજીકની ખુલ્લી જગ્યામાંને આરોપી સાથે શીવ મંદિરની પાછલના ભાગે મોબાઇલ બાબતે બોલાચાલી ઝઘડો થતાં આરોપી દ્વારા ઉસ્કેરાઇ જઈને સીમેન્ટનો બ્લોક ઉઠાવી ભરત મણવરને માથે મારી દેતાં ગંભીર ઇજાઓના પગલે તેનું મોત નીપજ્યું હતું.
આ ઘટનાની જાણ પોલીસને કરાતા અંકલેશ્વર શહેર પોલીસે તાત્કાલીક ઘટના સ્થળે પહોંચી મૃતકની લાસનો કબ્જો મેળવી તેને પી.એમ અર્થે ખસેડી એક શકમંદ આરોપીની અટકાયત કરી આગળની કાર્યવાહી હાથધરી છે.
