અંકલેશ્વરની પીરામણ શાળામાં ઔષધિની ઓળખ માટે વિદ્યાર્થીઓ માટે ઔષધિ ગાર્ડન ઉભું કરવામાં આવ્યું છે. જેમાં ઔષધિ જન્ય વનસ્પતિ અંગે વિદ્યાર્થીઓને માર્ગ દર્શન આપવા સેમિનારનું પણ આયોજન કરાયું હતું. પર્યાવરણ ના જતન સાથે અમૂલ્ય વનસ્પતિ ની જાણકારી વડે આગવી પેઢી અવગત કરવાનો પ્રયાસ કરવામાં આવ્યો હતો.
ભરૂચ જિલ્લા શિક્ષણ વિભાગ દ્વારા પ્રતિ શનિવાર વિવિધ શાળા માં શરૂ કરવામાં આવેલ સ્કૂલ ઓફ એકસેલન્સ હેઠળ જિલ્લા પ્રાથમિક શિક્ષણાધિકારી ડો. એન. ડી પટેલ માર્ગદર્શન હેઠળ અંકલેશ્વર પીરામણ પ્રાથમિક શાળા ખાતે હાઉસ પ્રવુતિ હાથ ધરવામાં આવી હતી. હાઉસ પ્રમાણેની પ્રવૃતિઓમાં શાળામાં ઔષધ ગાર્ડન ઉભું કરવામાં આવ્યું હતું. જેમાં વિવિધ ઔષધીય વનસ્પતિની ઓળખ અને તેના ઉપયોગ વિશેની માહિતી આપવામાં આવી હતી. વિદ્યાર્થીઓએ તુલસી, અરડુસી, અજમા જેવી ઔષધીય વનસ્પતિના ઘરેલુ ઉપયોગ અંગેની સમજ આપવામાં આવી હતી.
આ ઉપરાંત શાળાના કીચન ગાર્ડનનો ઉપયોગ મધ્યાહન ભોજનમાં ઉપયોગ કરી શકાય તેમજ શાળાકીય ગાર્ડનમા ફુલો દ્વારા શાળાનુ ભાવાવરણ પ્રફુલ્લિત બને સાથે શાળાના ટેરેસ ગાર્ડન દ્વારા વિદ્યાર્થીઓને આધુનિક સમયમાં પ્રકૃતિના સાંનિધ્યમાં રહી શકાય એવી સમજ આપવામા આવી હતી.