ભરૂચ ભારતીય કિસાન સંઘ દ્વારા ભરૂચ જિલ્લામાં કમોસમી વરસાદથી ખેડૂતોને થયેલાં નુકસાનીના વળતરની માંગ સાથે કલેક્ટરને આવેદનપત્ર આપવામાં આવ્યું હતું.
ખેડૂતો દ્વારા અપાયેલ આ આવેદનમાં ભરૂચ જિલ્લાના તાલુકાઓમાં વાવાઝોડા સાથે જે કમોસમી વરસાદ વરસ્યો જેના કારણે ઉભા પાક જેવાકે ઘઉં,બાજરી,જુવાર,દીવેલીયા,કપાસ વિગેરે કેત પેદાશોને વ્યાપક નુકશાન થવા પામ્યું છે. તદુપરાંત બાગાયતી ખેતી કરતા ખેડૂતોને પણ કેરી,ચીકુ જેવા પાકોમાં મોટા પ્રમાણમાં નુકશાન થવા પામ્યું છે. જેનું યોગ્ય વળતર ચુકવવાની માંગ સાથે સરકારની જે ગોડાઉન માટેની ઇ-ખેડૂત પોર્ટલ પર યોજના છે તે પણ ફક્ત ને ફક્ત ખેડૂતોને ભ્રમીત કરવા માટેની લાગી રહી હોય ભારતીય કિસાન સંઘના ખેડૂતો આ યોજનાનો સખત વિરોધ કરવા સાથે આ યોજનામાં સુધારો કરવાની પણ માંગ કરવામાં આવી હતી.
