ભરૂચ લોકલ ક્રાઇમબ્રાંચના પી.એસ.આઈ. પી.એમ.વાળા સહિત સ્ટાફ ભરૂચ શહેરમાં પેટ્રોલિંગમાં હતો તે દરમિયાન બાતમી મળી હતી કે ભરૂચ શહેરના રોટરી ક્લબની પાછળ આવેલ મારવાડી ટેકરા ખાતે નવાબ ઉર્ફે નબુ અને તેનો ભાઇ હનીફ ઉર્ફે હજી ઇમરાનશા દિવાન વિદેશી દારૂ પોતાના ઘર પાસે છુપાવી રાખેલ છે અને છુપી રીતે પોતાના મળતીયાઓ દ્વારા વેચાણ કરે છે.જેવી બાતમીના આધારે પોલીસે દરોડા પાડ્યા હતા.

પોલીસ ટીમને સ્થળ પરથી ફોરવ્હીલ ગાડી નંબર-GJ-16-DG-9719 તેમજ નમ્બર પ્લેટ વિનાની જ્યુપીટર મોપેડ અને બુટલેગર નવાબ ઉર્ફે નબુના મકાનની બાજુની રૂમમાંથી વિદેશી દારૂ 1211 નંગ બોટલ મળી આવી હતી. પોલીસે 1.76 લાખ અને બે વાહનો સહિત કુલ 7.41 લાખનો મુદ્દામાલ કબ્જે કર્યો હતો.અને કસક ગુરુદ્વારા પાસે વણકરવાસમાં રહેતો વિશાલ ઉર્ફે હોઠ ફાટલો ઠાકોરભાઇ પરમાર તેમજ સરફરાજ ઉર્ફે શેરૂ સમદભાઇ મંસુરીને ઝડપી પાડ્યો હતો.જ્યારે નવાબ ઉર્ફે નબુ ઇમરાનશા દિવાન,હનીફ ઉર્ફે હજી ઇમરાનશા દિવાન અને દર્શન ઉર્ફે હારુ પ્રવીણભાઈ પટેલને વોન્ટેડ જાહેર કરી વધુ તપાસ હાથ ધરી છે.