- શિકારની શોધમાં વણાકપોરથી જરસાડ ગામ જવાના રસ્તે દીપડો આંટો મારતો દેખાયો
ઝઘડિયા તાલુકાનાં વણાકપોરથી જરસાડ ગામને જોડતા માર્ગ પર ઉપર શિકારની શોધમાં આંટાફેરા કરતાં દીપડાને પગલે વાહન ચાલકો અને ખેડૂતોમાં ભયનો માહોલ જોવા મળી રહ્યો છે.
ઝઘડીયા તાલુકામાં વન્ય પ્રાણીઓ દેખાવાની ઘટનાઓ પ્રકાશમાં આવી રહી છે. ત્યારે ઝઘડિયા તાલુકાના વણાકપોરથી જરસાડ ગામને જોડતા માર્ગ પર શિકારની શોધમાં આંટાફેરા મારતા દીપડાને પગલે વાહનચાલકોમાં ભયનો માહોલ જોવા મળી રહ્યો છે. ત્યારે ગઈકાલે સોમવારની રાતે અવિધા ગામથી જરસાડ જવાના જાહેર માર્ગ ઉપર શિકારની શોધમાં લટાર મારતો દીપડો દેખાતા કાર ચાલકે કાર થોભાવી પોતાના મોબાઈલ ફોનમાં તેનો વીડિયો ઉતારી લીધો હતો.
આ કદાવર દીપડાના આંટાફેરાને પગલે ગ્રામજનો સહિત વાહન ચાલકોમાં ફફડાટ ફેલાઈ જવા પામ્યો છે. ત્યારે ઝઘડીયા વન વિભાગ પાંજરું ગોઠવી દીપડાને પકડી જંગલ વિસ્તારમાં મુક્ત કરવામાં આવે તેવી લોક માંગ ઉઠી છે.