પોલીસ ઇન્સપેક્ટર ઉત્સવ બારોટ એલ.સી.બી.ભરૂચનાઓના માર્ગદર્શન હેઠળ ઉપરોક્ત સુચનાઓ મુજબ મિલકત સંબંધી ગુનાઓ બનતા અટકાવવા તેમજ વણશોધાયેલ ગુના શોધી કાઢવા લોકલ ક્રાઇમ બ્રાંચની અલગ-અલગ ટીમો બનાવી સઘન પ્રયત્નો હાથ ધરવામાં આવેલ હતા.
દરમ્યાન આજે ભરૂચની ટીમ ખાનગી વાહનમાં અંક્લેશ્વર વિસ્તારમાં પેટ્રોલીંગમા હતી દરમ્યાન બાતમી હકીકત મળેલ કે, ઇકો ગાડી નંબર- GJ-16-DK-0818માં શંકાસ્પદ એસ.એસ.ના વાલ્વના પાર્ટસ ભરી પાનોલી તરફથી આવી બાકરોલ બીજથી પસાર થનાર છે. જે બાતમી આધારે બાતમીવાળી જગ્યાએ રેઇડ કરી ઇકો ગાડી GJ-16-DK-0818 માં ભરેલ એસ.એસ.ના વાલ્વના પાર્ટસ પકડી પાડયા હતા.
પોલીસ ટીમે વાલ્વના પાર્ટસ બાબતે પકડાયેલ આરોપીઓની ઉંડાણપુર્વક પુછપરછ કરતા તેઓએ કબુલાત કરી હતી કે, આ વાલ્વના પાર્ટસ પાનોલી ખાતે આવેલ સર્વાઇવલ ટેક્નોલોજી નામની બંધ કંપનીમાં ચોરી કરેલ છે જેનું વજન ૩૮ કી.ગ્રા. જેની એક કી.ગ્રા.ની કી.રૂ. ૨૦૦ લેખે ૩૮ X ૨૦૦ = ૭,૬૦૦/- તથા ઇકો. ગાડી GJ-16-DK-0818 કિ.રૂ. ૩,૦૦,૦૦૦/- મળી કુલ કી.રૂ. ૩,૦૭,૬૦૦/- ના મુદ્દામાલ સાથે ત્રણ ઇસમો દિપક ઉર્ફે વિક્કી પંકજસીંગ સીંગ ઉ.વ. ૨૫ રહે,બાબુ સિરાજ અંસારી ની દુકાન ઉપર પાનોલી તા-અંક્લેશ્વર જી-ભરૂચ મુળ રહે, ટોલવા ગાવ તા-હરદોઇ જી-હરદોઇ (ઉત્તર પ્રદેશ),ગોકુલ લાલા શાહુ ઉ.વ. ૩૫ રહે, બાબુ સિરાજ અંસારી ની દુકાન ઉપર પાનોલી તા- અંક્લેશ્વર જી-ભરૂચ મુળ રહે, કાલોની તા-રામપુર જી-સતના (મધ્ય પ્રદેશ),બાબુ સિરાજ અસારી ઉ.વ. ૨૫ રહે, જ્યોતિનગર સારંગપુર અંક્લેશ્વર તા-અંક્લેશ્વર જી- ભરૂચને ઝડપી પાડી સી.આર.પી.સી સંલગ્ન કલમ મુજબ કાયદેસર કાર્યવાહી કરી પાનોલી પો.સ્ટે સોપવામાં આવ્યા હતા.
