એલ.સી.બી ભરૂચના પોલીસ ઈન્સપેક્ટર એલ.સી.બીની સુચના આધારે પોલીસ સ્ટાફના માણસો ભરૂચ શહેર વિસ્તારમા ખાનગી વાહનમાં પેટ્રોલિંગમાં હતા. દરમ્યાન બાતમીદારથી બાતમી મળેલ કે શંભુ ડેરી વ્રજવિહાર કોમ્પલેક્ષ નીચે ઈંડાની લારી પાસે મોન્ટુ રાણા નામનો ઈસમ તેના મળતીયા માણસો રાખી વિદેશી દારૂનુ વેચાણ કરે છે.
જે બાતમી મળતા પોલીસે બાતમીવાળી જગ્યા લિંકરોડ ઉપર વ્રજવિહાર કોમ્પલેક્ષ નીચે આવેલ ઈંડાની લારીએ આવતા લારી પાસે છાપો મારતા ત્યાં હાજર ઈસમનુ નામઠામ પુછતા પોતાનુ નામ મયુરસિંહ માધવસિંહ પરમાર રહે.ઈન્દીરા આવાસ ભોલાવ તા.જી. ભરૂચનો હોવાનુ જણાવેલ તેને સાથે રાખી લારીની આજુ બાજુ તપાસ કરતા સફેદ કલરનો મીણીયા થેલો મળી આવેલ જેમાં વિદેશી દારૂની નાની મોટી બોટલો ૨૨ નંગ કુલ કિ.રૂ ૫૮૦૦ નો મુદ્દામાલ મળી આવતા જપ્ત કાર્યો હતો.
લારી પાસે ઝડપાયેલ આરોપી મયુરસિંહ માધવસિંહ પરમારની પુછતાછમાં આ વિદેશી દારૂ મોન્ટુ રાણાનાએ વેચાણ કરવા આપેલ હોય જેથી એ ડિવિઝન પોલીસે બંનેવ વિરૂધ્ધ પ્રોહી એક્ટ કલમ હેઠળ ગુનો નોંધી કાયદેસરની કાર્યવાહી હાથધરી હતી.
