- સાંસદ મનસુખ વસાવા અને નેત્રંગ મામલતદારે યુવાનની લીધી મુલાકાત
નેત્રંગ નગરમાં એસ્સાર પ્રેટોલપંપની સામે રહેતા અને ચાર રસ્તા વિસ્તાર મેડીકલ સ્ટોર ચલાવતા ધર્મેશ નગીન પટેલ નો મોટો પુત્ર પ્રિતકુમાર ઉ. વ. 22 કે જે છેલ્લા પાંચ વર્ષ થી યુક્રેન ખાતે મેડીકલ કોલેજમા રહીને એમ. બી. બી. એસ.મા અભ્યાસ કરતો હતો. છેલ્લા વર્ષના અભ્યાસના માંડ પાંચ છ માસ બાકી રહ્યા હતા. તેવા સમયે યુક્રેન રશિયા વચ્ચે શરૂ થયેલ યુદ્ધને લઇને અભ્યાસ કરતા વિદ્યાર્થીઓ ફસાયા હતા. નેત્રંગ ટાઉનનો યુવાન પ્રિત પટેલ યુકેનથી હેમખેમ પરત ઘરે આવી જતા પરીવાર જનોમાં ખુશીનો માહોલ જોવા મળ્યો છે.
જેમા પ્રિતકુમાર પણ ફસાયો હતો. જેને લઇ ને પટેલ પરીવારમા ચિંતાનો માહોલ જોવા મળ્યો હતો. કેન્દ્ર તેમજ રાજય સરકાર દ્વારા અભ્યાસ કરતા વિદ્યાર્થીઓને વતન પરત લાવવાની કવાયત શરૂ થતા નેત્રંગનો પ્રિત પટેલ તા. 5 મી માર્ચના રોજ વિમાન માર્ગે અમદાવાદ આવી પહોચ્યો હતો.
ત્યાર બાદ ત્યાંથી બપોરના સમયે હેમખેમ નેત્રંગ ધરે આવી જતા પરીવારમાં આનંદ છવાઇ જવા પામ્યો હતો. 5મી માર્ચના દિવસે જ ભરૂચ જીલ્લા સાંસદ મનસુખ વસાવા, જીલ્લા પંચાયત સભ્ય રાયસીંગ વસાવા, નેત્રંગ મામલતદાર ગોપાલદાસ હરદાસાણી, નાયબ મામલતદાર નવનીત પટેલ, અગ્રણીઓએ તેના ઘરે પહોંચી ખબર અંતર પૂછી શુભેચ્છાઓ પાઠવી હતી.