વર્ષ 1861 માં ડભોઇ-કરજણ વચ્ચે બુલોક ટ્રેનની શરૂઆત બાદ સ્ટીમ, ડીઝલ અને આજનો ઇલેક્ટ્રિક એન્જીનનો યુગ શરૂ થયો હતો.
હવે 42 વર્ષો બાદ આગગાડીના અનુભવો અને યાદો એકતાનગર SOU થી અમદાવાદ હેરિટેજ સ્ટીમ એન્જીન ટ્રેન સાથે આજે સરદાર જ્યંતીથી વડાપ્રધાન નરેન્દ્ર મોદીએ લીલીઝંડી આપતા ફરી જીવંત થઈ છે.બરોડા સ્ટેટમાં 162 વર્ષ પેહલા બુલોક ટ્રેનથી શરૂ થયેલી રેલવે સેવા, સ્ટીમ એન્જીન, ડીઝલ એન્જીન, ઇલેક્ટ્રિક બાદ ભવિષ્યમાં બુલેટ ટ્રેને પોહચવાની છે ત્યારે હેરિટેજ સ્ટીમ એન્જીનની ભૂતકાળની મુસાફરી ફરી વર્તમાન બની છે.
પશ્ચિમ રેલવેમાં નેરોગેજ લાઇનનું સોંથી મોટું નેટવર્ક વડોદરા ડિવિઝન ધરાવતું હતું. અંગ્રેજો અને રજવાડા સમયમાં સ્ટીમ એન્જીનથી શરૂ થયેલી રેલ સેવા સ્ટીમ એન્જિનનું સ્થાન ડિઝલ એન્જિને લેતા બિનઉપયોગી થઇ હતી.એકતાનગર – અમદાવાદ સાપ્તાહિક સ્ટીમ હેરિટેજ ટ્રેનમાં મોટર કોચ સ્ટીમ એન્જીન તરીકે ડિઝાઇન કરાયો છે. AC રેસ્ટોરન્ટ ડાઇનિંગ કારમાં 28 યાત્રી ભોજન માણી શકે છે. ટ્રેનના કોચ, સીટ, વિન્ડો, ઇન્ટિરિયરને હેરિટેજ સાથે આધુનિક ટચ અપાયો છે.